سۆتن د ناڤ ئاگرێ بەرزەبوونێ دا
دلدار محەمەد
1
هەمی سالان ل سێیی تەباخێ، رۆژ ناهەلێت، سپێدەیێن من دناڤ رەشی دا نقۆم دبن.
2
فریشتەیان، ژ وی زارۆکێ دو رۆژی پرسی:
– کێ تۆ کوشتی؟
– بۆچی تو کوشتی؟
بەرسڤا زارۆیی قێری بوون و بۆ جارا ئێكێ چاڤێن فریشتەیی هەڤنیاسین دگەل رۆندکان کر .
3
سێیی تەباخێ، هەڤالەکێ من گۆت :
ـ ناڤێ بێ هەلویستەکی ببێژە ؟
ـ جیهان !
4
ئەو تەباخا هند دفنا خۆ ب گەرما خۆ بلند دکر، ئێدی هەمی سالا ب تلخەیێن سەر دلێن مە ڤه شەپرزە دبیت.
5
دەهـ سال
ئەو سالانە سالێن دووراتیا هەڤژینا خۆ د هژمێریت، ئەڤە تبلێن دەستێن وی خلاس هێشتا ژ ئاگرێ دووراتییێ خلاس نەبوویی.
