سۆشیال میدیا گه‌له‌ك كاریگه‌رتره ژ كه‌نالێن ئاسمانی
ئاكرێ، ره‌مه‌زان زه‌كه‌ریا:
مه‌دیاكار (دلێر نه‌قه‌بی) كو ب ماموستا دلێر یێ به‌رنیاسه، د دیداره‌كێ دا بۆ رۆژناما ئه‌ڤرۆ گۆت: ڕاگه‌هاندنێ پیرۆزی و بهایێن خوه دناخێ من دا جهه‌كێ تایبه‌ت هه‌یه، ژبه‌ركو ئه‌ز شیایمه هه‌تا ڕاده‌كی وێ په‌یاما كو من مه‌ره‌م پێ هه‌ی بگه‌هینم، له‌وما وه‌كه مه‌دیاكاره‌ك كاركرن ل تیڤی باشتر دبینم، ژبه‌ركو پتر ناڤ و ده‌نگ خۆیا دبیت، زێده‌باری كو سه‌نگا وێ پتره.
دلێری گۆت: نه‌بوونا ده‌زگه‌هه‌كی یان كاناله‌كێ ل ئاكرێ بارا پتر بۆ ده‌ستهه‌لاتداریا ئیدارا ئاكرێ و ڕێڤه‌به‌ریا ره‌وشنبیری و هونه‌ری ل ئاكرێ و بێ خه‌میا مه‌دیاكاران دزڤریت ژبه‌ركو ل چو باژێره‌كێ كوردستانێ مینا ئاكرێ مه‌دیاكارێن شاره‌زا و زیره‌ك نینن و دڤان چه‌ند سالێن دووماهیێ دا سۆشیال میدیا گه‌له‌ك كاریگه‌رتر بوویه ژ كه‌نالێن ئاسمانی و لۆكالی و ئه‌ڤرۆ هه‌موو ته‌خ بكارهێنه‌ێن سۆشیال میدیایێ و تۆڕێن جڤاكی نه، بۆ زانین ژبلی راگه‌هاندنێ و نڤیسینا هه‌لبه‌ستێ كارێ من یێ سه‌ره‌كی مامۆستایه و ب دیتنا من راگه‌هاندنا كوردی گه‌هشتیه ئاستێ یا جیهانی.
