سۆپرایزا مەزن یا فلۆرنتینۆ پیرێزی ئاشکرابوو
ئەڤرۆ نیوز ، زنار تۆڤی:
ده‌زگەهەکێ راگه‌هاندنا ئەرجەنتینی ئاماژه ب هندێ کریە بۆ رێككه‌فتنێ دناڤبەرا پاولۆ دیبالا و ریال مه‌درید هاتیە كرن کو بۆ ل ڤی وه‌رزی ببیته جهگرێ كریستیانۆ رۆنالدۆی.
رۆژناما Ole یا ئەرجەنتینی ب رێیا ماوریسیۆ هیدالگۆ یێ په‌یامنێر ئەو زانیاریە دیارکریە کو سوبەهی ئەینیێ 31 تەباخێ کو دووماهی رۆژا ڤەگوهاستنا یاریزانانه، فلۆرینتینۆ پیرێز سه‌رۆكێ ریال مه‌درید دێ ڤەگوهاستنا پاولۆ دیبالای راگه‌هینیت و دێ کەته سوپرایزا ڤێ هاڤینێ.
هەروەسا گۆتیە، کو پیرێزی ب گرێبه‌ستەکا 180 ملیۆن یۆرۆیان و مووچێ سالانە 16 ملیۆن یۆرۆ ل گه‌ل پاولۆ دیبالایێ هێرشبه‌رێ یوڤێنتۆس گه‌هشتیه رێككه‌فتنێ.
دیبالایێ ته‌مه‌ن 24 سالی ل هاڤینا 2015 ژ یانا پالێرمۆ ب گرێبه‌ستەکا 40 ملیۆن یۆرۆیان هاتیە یوڤێنتۆس، ژ وی دەمی ل گه‌ل یوڤێنتۆس 141 یاری ئەنجامداینە و 68 گۆل و 25 ئاسیست هه‌نە.
