سیابەند عەگید: ئارمانجا من دگەل ئۆلمپیێ ئیراقێ ب دووماهی نە هاتییە
د دیدارەكێ دا ستێرێ گەنج یێ تیما تەپا پێی یانەیا دهۆك سیابەند عەگید دیار كر تیما دهۆكێ هەردەم هەڤڕكە بۆ هەر یانەكا بەرانبەری وێ یاریێ دكەت و هێشتا ئەم یێن د هەڤڕكیێ دا و گەشبینم دێ باشترین شێوە ئاست و ئەنجامان نیشان دەین.
زێدەتر ناڤهاتی بۆ رۆژنامەیا ئەڤرۆ گۆت: پێخوەشحال بووم ژلایێ راهێنەر رازی شنێشێل هاتیمە داخوازكرن بۆ ناڤ رێزێن هەلبژارتیێ ئۆلمپیێ ئیراقێ و ئەڤە خەونا من بوویە لێ هێشتا ئارمانجا من دگەل ئۆلمپی ب دووماهی نەهاتییە دێ پتر خوە وەستینم و ئاستێ خوە باشتر لێكەم پێخەمەت بەر ب هەلبژارتیێ ئێكێ یێ ئیراقێ ژی بچم، هیڤییا من ئەوە ببمە ئەو یاریزان كو هەمی گەنجێن كورد چاڤ لێ بكەن ب گەهنە هەلبژارتیێن ئیراقێ.
ژلایەكێ دووڤە سیابەند عەگید گۆت: ئەز حەز دكەم هێشتا پشتەڤانی بۆ من بهێتـە كرن دا بشێم زێدەتر خزمەتا یانەیا خوە دهۆكێ بكەم و خوە ماندی بكەت و رژدییا من تۆماركرنا گۆلان بۆ تیما خوە دا بشێم دلێ جەماوەری خوەشبكەم، ئەوێن نە هژمارە 12یە بەلكۆ نمرە ئێكن ژ هەژی هەر خوەشیەكێ و سەركەفتنێ نە دێ سەرێ وان بلندكەین، هیڤییا من ئەوە جەماوەر هاریكاربن دگەل یاریزانی ئەوێ گەلەك د وەستیێت ژبەركو هەر سێ تا چار رۆژان یێ یاریەكێ دكەن.
ژلایەكێ دووڤە ستێرێ گەنج یێ یانەیا دهۆك ئەوچەندە ژی دیاركر ئەو هێش پێدڤی ب شارەزاهیێ یە و دێ بەردەوام كاركەت پێخەمەت ئاستێ خوە بگەهینتە كۆپیتكی و گۆت: یا د شیان دا بیت ب هەمی هێزا خوە دێ بۆ خزمەتا تیما یانەیا دهۆكێ كەین ژبۆ سەركەفتنان.
