سیاسـەتـا دەرڤـە یا ئـەمریكا بـەرانبەر ئیرانـێ د دەمێ دۆنـالد تـرامپی دا
ئەمەل ئەحمەد ئیسماعیل
ل دەستپێكێ، دڤێت ماوەیێ سەرۆكاتیا ئێكێ یا ترامپی دیار بكەم، ئەو ماوەیێ كو نوونەراتیا گوهۆرینەكا بنەڕەتی و رێبازا سیاسەتا دەرڤە یا ئەمریكا دكر بەرامبەر ئیرانێ. ژ سیاسەتا دیپلۆماسی و پێكڤەژیانێ بۆ ستراتیژییەكا فشارا توند، چونكو ئەڤ گوهۆرینە ب شێوەیەكێ مەزن كاریگەریا خۆ هەبوو ل سەر ئێمناهیا هەرێمێ و پەیوەندیێن ناڤدەولەتی یێن هەردو وەلاتان.
سیاسەتا دەرڤە یا ئەمریكا وەك رەنگڤەدانەكا پەیوەندیێن وێ یێن ستراتیژی و ئارمانجێن وێ یێن نەتەوەیی دهێتە دانان و كاریگەر دبیت ب كۆمەكا فاكتەران، چ فاكتەرێن ناڤخۆ بن یان دەرەكی. د ڤی بواریدا، سیاسەتا دەرڤە یا ئەمریكا گەلەك گوهۆرین ب خۆڤە دیتن، بەلێ ب تایبەتی د ماوەیێ ٢.١٧-٢.٢١، ئەو ماوێ كو سەرۆك ترامپی دەستهەلات دكر، ل وی دەمی سیاسەت بەر ب فشارێن توند یێن ئابووری هاتە برن، هەتا گەهشتیە گەفێن سەربازی ژی.
سیاسەتا دەرڤە یا ئەمریكا بەرانبەر ئیرانێ د دەمێ سەرۆك ترامپی دا جودا بوو ژ ئیدارەیێن بەری وی، چونكو دیپلۆماسیەت هاتە گوهارتن بۆ سزایان و فشارێن سەربازی. ئەڤێ سیاسەتێ كاریگەریەكا نەرێنی كرە سەر ئابۆریا ئیرانێ و گرژییێن هەرێمی بۆ ئیرانێ دروست كرن.
ل دووماهیێ، ئەڤ سیاسەتا ترامپی بوو ئەگەرێ پەیدابوون یان زێدەبوونا دوژمنكاریێ د ناڤبەرا واشنتۆن و تارانێ دا، د ناڤبەرا ئیران و ئەمریكادا، چونكو سیاسەتا سەرۆك ترامپی بەرانبەر ئیرانێ ب ئێكجاری پێكۆلێن دیپلۆماسی نەبوون، بەلكو ئاشكرای دوژمنكاری بوو. هەروەسا ڤەكێشانا ئەمریكا ژ رێكەفتنا ناڤۆكی. ئەڤ رێكەفتنە د دەمێ ئۆبامای دا گەلەك باش بوو بۆ ئیرانێ، بەلێ پشتی هاتنا ترامپی زیان گەهشتە ئیرانێ.
سیاسەتا ترامپی بوو ئەگەرێ گەفكرنێ ب هێزێ، و ترامپ زێدەباری بكارئینانا ڤێ ستراتیژییەتێ نەگەهشتە ئارمانجێن خۆ یێن راگەهاندین، كو ئارمانجا وی ئەو بوو ئیرانێ ل سنوورێ وێ راوەستینیت و چالاكیێن وێ یێن ناڤۆكی راوەستینیت، لێ زێدەتر لێهات.
