سیاسه‌تا پارتی..
یێ دژایه‌تی یا پارتی بكه‌ت سه‌رێ خوه ل كێلیا فڕعینی دده‌ت!
ئه‌ڤه‌یه سیاسه‌تا پارتی (كورت و كورمانج)!.
ژسالا 1991 تا 2015 ئه‌ڤه‌یه سیاسه‌تا پارتی دگه‌ل هه‌ر لایه‌نه‌كی بیت!.
ما ژڤێ سیاسه‌تێ بسانه‌هی تر هه‌یه؟ یان ڤه‌كریتر هه‌یه؟.
هه‌ر پارته‌كا حزبی ببیته سه‌ركرده د ده‌ستهه‌لاتێ دا ئه‌و بسانه‌هی نا چیت! ژبه‌ركو ڕه‌هێن خوه هه‌نه و زه‌همه‌تییا خوه یا بڕی! هه‌تا هه‌قێ خوه نه هینته ده‌ر لسه‌ر ده‌ستهه‌لاتێ ڕانابیت!.
گونه‌ها پارتی نینه كو حوكمی دكه‌ت! ژبه‌ركو ئه‌مین حوكمی دكه‌ین ئه‌م پارتینه!.
لێ ئه‌م ژخوه دڕازی نینین، ژبه‌ركو كێماسی و قوسیری بوونه گه‌له‌گ!.
ئه‌مێ له‌قا ل ده‌ستێن خوه دده‌ین ژبه‌ركو مه‌چ نه‌كر بۆ پاشه‌رۆژا زارۆكێن خوه! نه ب ساخله‌می و نه ب كلوخكێ سه‌ری.
ئانكو ل ڤێ ڕه‌مه‌زانێ مه فتاره كر و زگێ مه تێر بوو!، و سالا بهێت چه‌وایه؟ ملله‌ت هه‌رێ برسی یه! ب فتارێ ملله‌ت تێر نابیت خاڵ.
ب كارتێن ته‌له‌فونا و فتاره‌كێ پاشه‌رۆژ ئاڤا نابیت.
پارتی ئه‌م هه‌مینه، مامێ منه و بابێ منه و ئه‌زم و هه‌ڤال و مرۆڤێن منن، تنێ ئه‌م یێن پیس بووین! دڤێت ئه‌م خوه بشووین و پاقژبكه‌ین.
ده‌مێ مرۆڤه‌ك پیس دبیت سه‌رێ خوه دشووت دا ژ خوه ڕازی ببیت و بهێته ناڤ مرۆڤان!. مه‌به‌ست مارێن زكێ خوه بینه ده‌ری.
مرۆڤی باوه‌ری بخوه نامینیت گه‌له‌ك جاران!، لێ پیرۆزیه‌ك یا هه‌ی لده‌ڤ مه وێ باوه‌ریێ ڤه‌دگه‌ڕینیت جاره‌كا دن! ئه‌و پیرۆزی دبیت شوره‌ش بیت، یان سه‌ركرده‌ك بیت، چریسكا ئاگره‌كێ نووی بیت!! ئاگر ژی د قورمێن داراڕا دمینن! قۆرم كی یه؟ هه‌ر پارتی یی!.
دێ چه‌وا ئاگره‌كێ نووی ژ قۆرمێ كه‌ڤن چێكه‌ین؟ ب پڤكرنێ و له‌گله‌گیێ؟
نه، ب باوه‌ریا چریسكا ئێكێ ئه‌ڤا شوره‌ش په‌یداكری ئه‌م دێ ده‌ستهه‌لاتێ نووی كه‌ین.
چقلكێ دارێ نابیته دار! هندی مه‌زن ببیت دبیته (تا)، زێده‌تر نه.
