سیاسه‌تا ڤه‌شارتی ل ئیراقێ
ئه‌حمه‌د عارف ئامێدی
ل ڤان داوییان ئێدی ره‌فتارێن سیاسی و له‌شكری ب شێوازێن ڤه‌شارتی كار دكه‌ن. ئه‌ڤ ژی په‌یامه‌كێ دگه‌هینیت كو ئه‌و لایه‌نێ مه‌زن یێ ل پشت ڤان ره‌فتاران دا، ب ترسنۆك دهێته خۆیاكرن، چونكو نیازپاكیا خۆ دیاردكه‌ت ب سه‌رڤه و وه‌كو دی ژی جۆره‌كێ نیفاقێ ل رویێ وی یێ دیار دبیت. بۆ ئاسته‌كێ ناڤخۆه‌یی و تایبه‌ت ئه‌ڤا ل ڤان داویان رویدای وه‌كو بڕینا مووچه‌یێن هه‌رێما كوردستانێ، ب مخابنی ڤه خه‌لكه‌كێ نه‌شاره‌زا و نه‌زان دكه‌ڤنه داڤێن ڤێ سیاسه‌تێ و باوه‌ر ژ هه‌ر تشته‌كی دكه‌ن بهێته گۆتن.
نه‌خاسمه ئه‌م ل ناڤا ده‌ڤه‌ره‌كا نه‌ئارام داینه كاودانێ ئێراقێ و ده‌ڤه‌رێ یێ ئالۆزه و شێلی یه، چونكو ئه‌ڤه ئێك ژ گه‌له‌ك ره‌فتارانه یێن ل به‌ر سینگێ ڤی ملله‌تێ نیازپاك دهێته كرن، كو ره‌وشا وی تێكبچیت و رۆژ بۆ رۆژێ و جار بۆ جارێ تێكدانا تاكێ كورد ب شێوازه‌كی دهێته كرن، ژبلی وان سیاسه‌تێن لایه‌نێن ئوپۆزسیۆن پێ رادبن، كو ل هه‌لوه‌ستێن ته‌نگاڤ خۆ ژ به‌ر ئاریشه‌یان دهاڤێن و ل ده‌مێ خۆشیان و ئیمتیازاتان ژی سینگێ دئیننه ده‌ر كو مه ئه‌ڤ قه‌نجییه كریه. مینا ئه‌و پشكدارینه‌كرنا د كۆمبوونا لایه‌نێن سیاسی دا، رویه‌كی نه‌خۆش نیشا مه دده‌ت كو وه‌لاتی پێدڤی ئه‌ڤێ جۆره كۆمبوونێ بووینه. هه‌ر چو نه‌بیت وه‌كو مۆرالا ب هێز ئیخستنا ده‌روونا وه‌لاتیان یانژی، رامانا ئێكرێزیێ دابیت چونكو ل ته‌نگاڤیان هه‌ڤال ژ دۆستی دیاردبیت. ئه‌ڤجا ئه‌ڤ كارێن ڤه‌شارتی نیشانا ده‌ستكوتی و بێ هێزیا لایه‌نێن ل پشترا دیار دكه‌ت چونكو مرۆڤ ب سروشتێ خۆ حه‌ژ زه‌لالیێ دكه‌ت ب ئاشكرای هه‌ڤڕكی بهێته‌كرن، وه‌كو دی دبیت خیانه‌ت. ئه‌ڤجا بۆ ڤی كاودانی دڤێت لایه‌نێن ده‌سهه‌لاتدار مفای ژ په‌یوه‌ندیێن نێڤده‌وله‌تی ببینیت وه‌كو كارته‌كا فشارێ ل سه‌ر لایه‌نێن ڤه‌شارتی ب ناڤێ فلان وه‌زیری و فلان كه‌سێ سیاسی ل ئیراقێ. ل ڤی ئه‌ڤی كاودانی سه‌ره‌رای ره‌وشا خراب یا وه‌لاتیان. پێنگاڤێن مه‌نتقی و زانابوون بهاڤێژیت
ب رێكێن نه‌رم و ئاشتیانه و سه‌رخۆ بكاربینیت. رۆلێ خۆ یێ جاران نیشا بده‌ت كا چاوا ل ده‌مێ هێرشێن تیرۆرستی شیابوو ببیته ئێكه‌م هێز یا كو به‌رگریی ژ ئاشتیا جیهانی كری كو په‌سه‌نده‌كا نێڤده‌ولی بۆ خۆ بكه‌ته ده‌ستكه‌فت. هه‌روه‌سا چه‌ندی هه‌رێم بكاریت پلانێن خۆ یین یه‌ده‌ك بۆ برێڤه‌رنێ بكاربینیت دێ باشتر بیت، هه‌كه ئه‌و پلان ب شێوه‌كی به‌رفره‌ه و گرنگ نه‌بن ژی باشه بۆ ده‌مێن پێشدا هه‌بن و ب پتر گرنگی ب یه‌ده‌كی بهێته دان دێ گرنگتر بیت و هه‌رده‌م بژاره‌یێن نه‌رێنی ل پێشیا مه‌هه‌نه. چاوا تو ل ناڤا كۆمه‌كا گۆرگان دا بی ژ هه‌ر ره‌خه‌كی ڤه مه‌ترسی هه‌بن حسابا خۆ بكه‌ی بۆ رۆژه‌كێ ژی چاڤێ خۆ ل كاودانی نه نقینی و دوور نه‌كه‌ی وه‌سا ره‌فتارێ بكه‌ی، تو ژی ب هه‌مان جۆری ب كارێ ڤه‌شارتی هه‌ڤڕكیێ بكه‌ی چونكو هه‌ر كاره‌كی ره‌نگڤه‌دانا خۆ خۆ ب هه‌مان قه‌باره و ئاراسته هه‌یه.
