سیاسەتا تورکیا ل هەمبەر کوردان قەبوول ناکەین
ب، سهرجان:
لیندسی گراهام سیناتۆرێ ناڤدارێ ئەمریکی ژ پارتا کۆماریا د داخویانیەکێ دا دیار کر، وی ل گەل چەند سیناتۆرێن دی پرۆژەیێ پاراستنا کوردان رادەستی کۆنگرێسی ئەمریکا کرینە و کورد هەڤپەیمانێ ئەمریکا نە، کوردان ل سووریێ د شەڕێ ل دژی داعشێ دا گەلەک قوربانه داینە و شەرمزاریەکا گەلەک مەزنە بۆ ئەمریکا هەکە دەست ژ کوردان بەردەت و پشتەڤانیێ ل دەستهەلاتا نها یا شامێ بکەت.
ناڤهاتی ئەو یەک ژی دیار کر، دەستهەلاتا شامێ ب پشتەڤانیا هندەک وەلاتان ئێرشی کوردان کریە و دڤێت زۆرداریا ل سەر کوردان ب دووماهی بهێت و گۆت: (ئەز ئاگەهداری سیاسەتا تورکیا مە، دڤێت تورکیا دەست ژ سیاسەتا خوە ل هەمبەر کوردان بەردەت، دڤێت بەرپرسێن تورکیا باش بزانن یا ئەو نها ل دژی کوردان ل سووریێ دکەن ب چو رەنگەکێ ناهێتە قەبوول کرن، هیڤیدارم تورکیا کارەک وەسا نەکەت کو ئەو پاشی شەرمزاری سەرۆکێ ئەمریکا بن).
