سیاسەتا حەكیمانە یا سەرۆك بارزانی دێ مە گەهینیتە كنارەكێ ئارام
بەهرام عریف یاسین، ئەندامێ كۆمیتا ناڤەندی و بەرپرسێ لقێ 18 یێ پارتی ل ئامێدیێ د پەیڤكێ دا ل سەنتەرێ دەڤەردارییا ئامێدیێ دیاركر، ئەڤا نوكە حكومەتا ئیراقێ هەمبەر گەلێن كوردستانێ ئەنجام ددەت پیشێلكرنا دەستۆری و لاوازكرنا قەوارەیێ هەرێما كوردستانێ یە و دبێژیت: باشترین رێك بۆ دەربازبوون ژ ڤێ رەوشێ، ئێكڕێزی و ئێكهەلوەستیا مەیە.
بەرپرسێ لقێ 18 باس ل بزاڤێن پارتی ژ بۆ پێكئینانا حكومەتەكا بهێز و خزمەتكار، پرۆسەیا ئاشتیێ د ناڤبەرا توركیا و پەكەكێ دا و گرنگیا سەركەفتنا وێ ژ بۆ بەڕژەوەندیا دۆزا كوردی ب گشتی و دەڤەرا ئامێدیێ ب تایبەتی كر و گۆت: «شانازیەكا مەزنە مرۆڤ خزمەتكارێ خەلكێ خۆ بیت».
سەبارەت پاشەرۆژێ ژی بەهرام عریف گۆت: «مە باوەریەكا مەزن ب سیاسەتا حەكیمانە یا مەرجەع و سەرۆك بارزانی هەیە، دێ گەلێ مە گەهینیتە كنارەكێ ئارام، دیسا زێدەباری هەموو ئاستەنگ و قەیران و پیلانان، خەلكێ مە خۆراگر و خودان ئیرادەیەكا بهێزە، لەو پێدڤییە حكومەتا بەغدا دەست ژ سیاسەتا نەرەوا یا دژی كوردستانێ و گەلێ وێ بەردەت».
