سیتافك
سیتافك
عه‌بدولقادر حه‌مید ئۆرمانى
ماشا‌و الله ژ وێ قامه‌تێ
من دیت ئێكسه‌ر دلێ من كه‌تێ
كرم شێخ سه‌نعانێ زه‌مانى
خودێ ژیه‌ك درێژ بده‌تێ
***
ماشا‌و الله ژ وێ گرنژینێ
ئێكسه‌ر ساخ دكه‌ت برینێ
چ به‌لایه ئیرۆ كه‌تمێ
عشق به‌لاڤ بوو ل ناڤ خوینێ
***
ماشا‌و الله ژ دێمێ گورۆڤڕ
دلێ من ئێكسه‌ر بۆ خوه بر
هه‌یڤه دمه‌شیت ل سه‌ر ئه‌ردى
دێ بێژى سحره ل من كر
***
ماشا‌و الله ژ رندا پڕ شه‌نگ
ژبۆ وێ من كرن سه‌د جه‌نگ
ئو دێ جه‌نگم ل ئاستێ وێ
تا دبم كه‌ڤاله‌ك پڕ ره‌نگ
