سیستەمێ سەرۆکاتیێ ل تورکیا دێ هێتە هلوەشاندن
ئەڤرۆ نیوز:
دوگو پەرینچەک سەرۆکێ پارتیا ڤەتەن یا تورکیا راگەهاند کو ئەنجامێ هەلبژارتنێن باژێرڤانیان نیشا ددەت کو ئاکپارتی تووشی شکەستنەکا مەزن یا هاتی و د هەلبژارتنێن داهاتی دا دێ دەنگێ ئاکپارتیێ کێمتر ژی لێ هێت و ئێدی سەردەمێ دەستهەلاتا ئاکپارتیێ ل تورکیا بسەرڤە چوویە و گۆت: (نها تورکیا تووشی قەیرانەکا مەزن یا هاتی، رەوشا ئابووری یا تورکیا گەلەکێ خرابە و خەلک ئێدی دەستهەلاتا ئاکپارتیێ قەبوول ناکەن).
ناڤهاتی ئەو یەک ژی دیار کر کو سیستەمێ سەرۆکاتیێ نەشێت ببیتە بەرسڤ بۆ داخوازیێن جڤاکێ تورکیا و پشتی دەمەکێ دێ جارەکا دی تورکیا ڤەگەریتە ڤە سەر سیستەمێ پەرلەمانتاریێ.
