سیسرکێن بەلاڤ بووین ژەھراوی نینن
ئەڤرۆ نیوز، عەلی حاجی :
د داخویانیەکێ دا رێڤەبەرێ ساخلەمیا زاخۆ بۆ ئەڤرۆ نیوز دیار کر ژبەر بارینا رێژەیەکا زور یا بارانێ و زێدەبوونا رێژەیا شەھێ، جورەکێ سیسرکان دناڤ باژێری دا زێدەبوینە و ئەڤ جورێ سیسرکان ژی ل پرانیا وەلاتێن عەرەبی ھەیە.
دکتور قەرەنی زێدەتر گۆت: بارینا بارانێ و زێدەبوونا شەھێ ب تایبەتی ل د ھەیڤێن سێ و چار دا سالانە ئەڤ جورێ سیسرکان زێدە دبیت و پرانیا ڤان جورە سیسرکان دناڤ ئاخێ و قەستەلان دایە وچو زیانەکا وەسا نینە کو خەلک ھزر بکەن یا ژەھراوی یە و ھەتا نوکە چو حالەتەکا ژەھراوی بوونا ڤان گیانەوەران بۆ مروڤان ل دەڤ مە نەھاتیە تومار کرن و بتنێ زیانا وان ئەوە ئەگەر ل سەر پیستێ مروڤەکێ حەساسیەکا نورمال دروست بکەت و دێ زوو چارەسەر بیت.
ناڤھاتی ئەو چەندە ژی گوت : ژیێ ڤان سیسرکان یێ کێمە و بتنێ ٢٠ ھەتا ٣٥ روژان دا ژناڤ دچن ئەو ژی ئەگەر ژینگەە بو وان یا گونجایی بیت: پروگرامێ رەشاندنا دەرمانان ل کوردستانێ سەر وەزارەتا ساخلەمیا عێراقێ یە ، سالانە حکومەتا عێراقێ ھژمارەکا دەرمانان ڤرێدکرن و ھەر ٢٠/٤ ھەتا ٢٠/٥ بەرنامەیێ رەشاندنێ ل ھندەک جھێن گرنگ بەردەوام دبو بەلێ ھەتا ئەڤرۆ ژی ھیچ جورە دەرمانەک بو رەشاندنێ ژبەغدا نەھاتیە بو مە.
