سیلاڤا سهد میتری ل گهلیێ كانی مازێ دهێته چێكرن
ئامێدیێ، مهحمود نهێلی:
ژ بو پتر سهرهنجڕاكێشانا گهشتیاران و گرنگی دان ب كهرتێ گهشوگوزاری، سیلاڤهكا سهد میتری و كۆمهلگهههكا گوزاری ل گهلیێ كانی مازێ ل سنوورێ ناوچهداریا چهمانكێ دهێنه چێكرن.
حكمهت عابد، بهرپرسێ راگههاندنا گهشتوگوزارا ئامێدیێ بۆ رۆژناما ئهڤرۆ دیار كر كو زێدهباری تێكچوونا رهوشا ئهمنی یا دهڤهرێ، ب تایبهتی ژی پشتی روودانێن گوندێ پهرهخێ ل زاخۆ، لێ رۆژ بۆ رۆژێ ژ لایێ كهرتێ تایبهت و ژ لایێ حكومهتێ ڤه ژی پتر گرنگی ب كهرتێ گهشتوگوزارێ دهێته دان.
ناڤهاتی گۆت: “ههر ژ بۆ ڤێ مهرهمێ ئهڤ ساله چهندین پڕۆژێن دیترێن گهشتوگوزاری ل دهڤهرێ دهێنه چێكرن و ژ وان ژی هند ب دووماهی هاتینه، وهكو: كۆمهلگهها ئاغا ل ناوچهداریا دێرهلۆكێ كو پتر ژ ئێك ملیار دیناران لێ هاتینه مهزاختن و پڕۆژێ گهشتیاری یێ گهلیێ كانی مازێ ل سنوورێ ناوچهداریا چهمانكێ، كو پڕۆژهكێ گرنگێ گهشتیاری یه و پێك دهێت ژ سلاڤهكێ كو بلنداهیا وێ دۆرێن سهد میترانه و نوكه كار سهر یێ بهردهوامه و د دهمهكێ نێزیك دا دێ كهڤیته د خزمهتا گهشتیاران دا”.
