سیما برا: گیتار بوویه پارچه‌ك ژ ژیانا من
دهۆك، زنار تۆڤی:
سیما برا، كو نوكه قوتابیه ل پۆلا نه‌هێ بنه‌ره‌تی ل قۆتابخانا له‌یلان ل دهۆكێ، د دیداره‌كێ دا بۆ رۆژناما ئه‌ڤرۆ دیاركر كو ئه‌و ئامیرێ گیتارێ دژه‌نیت، كه‌سێ ئه‌و فێرنه‌كریه، لێ ژبه‌ر حه‌زا وێ بۆ مۆزیكێ ئه‌و فێربوویه ژه‌نینا گیتارێ، هه‌روه‌سا ل به‌ر یوتۆبی وێ خوه فێركریه.
هه‌روه‌سا گۆت: ئه‌ز گه‌له‌ك حه‌ز ژ ده‌نگێ گیتارێ دكه‌م و ئه‌و ئامیره بوویه پارچه‌ك ژ ژیانا من و ئه‌ز چه‌ندین پارچێن مۆزیكێن كوردی دژه‌نم و سترانان ژی دبێژم و گه‌له‌ك حه‌ز ژ خواندنێ و هه‌ڤالێن خۆ یێن قوتابی دكه‌م و من ل به‌ر نینه بچمه په‌یمانگه‌ها هونه‌رێن جوان، چنكو حه‌ز دكه‌م بچمه كۆلیژا نۆشداری و ل پاشه‌رۆژێ دخوازم ب رێیا نۆشداریێ و مۆزیكێ خزمه‌تا وه‌لاتێ خوه بكه‌م، بۆ زانین ل ئاهه‌نگ و هه‌لكه‌فتێن قوتابخانێ گیتارێ دژه‌نم و سترانان ژی دبێژم.
