سینه‌ما بۆ وی ده‌رگه‌هه‌كێ نوو یێ ژیانێ بوو
دهۆك، هه‌رهین محه‌مه‌د:
سینه‌ماكارێ گه‌نج (رابه‌ر زیاد) د دیداره‌كێ دا بۆ رۆژناما ئه‌ڤرۆ گۆت: سینه‌ما بۆ من ده‌رگه‌هه‌كێ نوو یێ ژیانێ بوو، ئانكو من ژیان ب ره‌نگه‌كێ دی دیت، وه‌كو ئاره‌زویێ بوو بۆ من و یا من ژی پێشكشی سینه‌مایێ كری من هه‌موو شیان و ده‌مێن خوه داینه سینه‌مایێ و دوێ باوه‌ریێ دا مه رۆژه‌ك دێ هێت بمه ستێره‌كا گه‌ش ل ئه‌سمانێ سینه‌مایێ و هه‌موو ده‌مان من دڤێت ب رۆلێ من ب حه‌زا من بیت و كه‌سایه‌تیه كا ئه‌رێنی و گه‌شبین و ب ئومێد بیت و من دڤێت هه‌موو ده‌مان رۆلی ژ تراژێدی بۆ درامایان ب گوهۆرم به‌لێ ئه‌وی رۆلی په‌یامه‌ك ل پشت هه‌بیت و هه‌موو ده‌مان حه‌زژ رۆلێن نهێنی دكه‌م و ب ره‌نگه‌كێ نهێنی په‌یاما خوه ب گه‌هینم و بینه‌ر ب خوه دپه‌یاما من ب گه‌هن.
رابه‌ری گۆت: مرۆڤ هه‌ر ده‌مه‌كی ب شێوه‌كێ ئه‌كادیمی ل رێیه‌كێ بیت ئه‌و رێكه بۆ مرۆڤی فره‌ه و ڤه‌كریه و ئه‌و چه‌نده ژی ل سه‌ر حه‌ز و ئاره‌زویا مرۆڤی دمینت و مه‌رج نینه ئه‌و كه‌سێ ده‌رچوویێ شانۆیێ بیت، یان سینه‌مایێ بیت بیته سینه‌ماكار، چونكو سینه‌ماكارێ دروست ئه‌وه كو هونه‌ر تێكه‌لی گیانێ وی بوویه و ب هه‌موو گیان كارێ خوه ئه‌نجام بده‌ت نه‌كو ژ بۆ به‌رژه‌وه‌ندێن خوه و هه‌تا نوكه سینه‌ما نه‌بوویه ژێده‌رك كو خوه ب داهاتێ وێ ب خودان بكه‌م و چاڤێ من ژی ل هندێ نه‌بوویه، چونكو من ب خوه به‌خشی كاركریه گه‌له‌ك جاران، چونكو هه‌ست پێدكه‌م خودێ ئه‌ڤ هێزو شیانه یێن داینه من دا درێیا سینه‌مایێ دا دیاركه‌م و ب مه‌زێخم.
