سینه‌ما كوردی ل ده‌ڤه‌را به‌هدینان به‌ر ب باشیێ دچیت
ئه‌ڤرۆ، شاهۆ:
ده‌رهێنه‌رێ گه‌نج (ئاشتی یونس) د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: پشتی من په‌یمانگه‌ها هونه‌رێن جوان ب دووماهی ئینای، من به‌رده‌وامی ب كارێ هونه‌ری دا و ده‌ست ب نڤیسینا شانۆگه‌ری و كورته فلمان كر و نوكه پرتووكه‌كا شانۆگه‌ریان ل به‌ر ده‌ستێ مه‌ن، و هه‌كه پشته‌ڤانی هه‌بیت ل ده‌مه‌كێ نێزیك دێ چاپ بیت و دێ پێشكێشی قوتابیێن پشكا شانۆیێ كه‌م، هه‌روه‌سا من دڤێت ل گه‌ل چه‌ندین ئه‌كته‌ر و ده‌رهێنه‌رێن ده‌ڤه‌را به‌هدینان كاربكه‌م.
هه‌روه‌سا گۆت: من سیناریۆیه‌ك بۆ كورته فلمه‌كی ب ناڤێ (دوباره ژدایكبوون) نڤیسی بوو، هه‌روه‌سا ئه‌ز ب كارێ ده‌رهێنانێ ژی رابووم، كو ب هاریكاریا چه‌ند ماموستا و هه‌ڤالان هاته چێكرن، وی كورته فلمی پشكداری د چه‌ند فیسته‌ڤالێن نافخوه و عه‌ره‌بی دا كریه، نوكه ژی دهێته نیشادان، به‌لێ دلگران بووم ژبه‌ر چه‌ند ئه‌گه‌ران ئه‌و كورته فلم فلمه فیسته‌ڤالا دهۆكێ نه‌هاته وه‌رگرتن، ئه‌ڤه چه‌ند ساله ئه‌ز دبینم پتر گرنگیێ ب فلمێن بیانی دده‌ن، هه‌روه‌سا ژبه‌ر نه‌بوونا پشكا نووهات وه‌كو فلمه فیسته‌ڤالا سلێمانیێ كو چه‌ندین كورته فلم دهێنه نیشادان، هه‌روه‌سا ژبه‌ر كێمیا هۆلێن سینه‌مایێ ژی به‌رێ خوه دان بۆ فلمێن خۆمالی یا كێمه، له‌ورا پێدڤیه جهێن شۆله‌ژێ پتر پشته‌ڤانیێ ل سینه‌ماكار و فلمسازان بكه‌ن و ب دیتنا من سینه‌ما كوردی ل ده‌ڤه‌را به‌هدینان به‌ر ب باشیێ دچیت.
