سیپان سەدیق: بۆ من وەرزێ ئه‌ڤ ساله دێ یێ تایبه‌ت و گرنگ بیت
زاخۆ،عەلی حاجی :
د دیدارەکێ ره‌مه‌زان سه‌دیق یێ ناڤدار ب سیپان یاریزانێ تیما یانەیا زاخۆ ئەوا پشکدار د خولا ستێرێن ئیراقێ یا فوتبۆلێ دا بۆ رۆژنامەیا ئەڤرۆ دیار كر وەرزێ ئەڤ سالە بۆ وی یا گرنگ و تایبه‌ته و ئەو ب هێڤی یە د باشترین ئاست دا بیت.
زێدەتر ناڤهاتى گۆت: وەرزێ ئەڤ سالە یێ خولا ستێرێن ئیراقێ بۆ من یێ گرنگە ژبەر کو وەرزێ بوری من شیابوو ئاستەکێ باش پێشکێشبکەم، بۆ وەرزێ ئەڤ سالە دڤێت ئاستێ خوە باشتر لێبکەم و دەلیڤەیەکا باش ل پێشیا منه ژبەرکو من هیڤیێن مەزن هەنە داکو بگەهمە هەلبژارتیێ ئیراقێ، بۆ وه‌رزێ نوو مه باشتر به‌رهه‌ڤی كرینه، هەتا هێلا یەدەکا تیما مە ژ وەرزێ بوری باشترە، ل هەر هێلەکێ دو یاریزان هەنە و ئەڤ چەندە ژی دێ تێرا هندێ دکەت هەموو یاریزان خزمەتا تیمێ بکەن و خول یا درێژە و یاریزان ماندی دبن.
سیپان سه‌دیق گۆت: زاخۆ ل سەر ڕێیەکا دروست دچیت هێشتا دەستپێکا خولێ یە، دگەل بورینا یاریان دێ ئاست و ئەنجامێن مە باشتر لێ هێن، سه‌ركه‌فتنا ل سه‌ر یانه‌یا كه‌ربه‌لا ب پێنج گۆلێن پاقژ نیشانا پێشكه‌فتنا ئاستێ تێمێ یه و هه‌ڤگرتنه‌كا ب كۆمه دناڤبه‌را یاریزانان، كادرێ راهێنانێ و پشته‌ڤانییا كارگێریێ، پێنه‌ڤێت رۆلێ مه‌زن یێ پشته‌ڤانێن یانه‌یا زاخۆ هژماره ئێكن ل سه‌ر ئاستێ خولا ئیراقێ ژبیر ناكه‌ین و رژدین به‌رده‌وامیێ بده‌ینه سه‌ركه‌فتنا و به‌ر ب باشتر بچین.
