سیپه‌ل شه‌كۆر: ب نه‌چاری یاریزانێن پارێزگه‌هێ یاریێ بۆ یانه‌یێن به‌غدایی دكه‌ن

سیپه‌ل شه‌كور ئێك ژ ستێرێن به‌رنیاسه‌ ل سه‌ر ئاستێ پارێزگه‌ها دهۆكێ بۆ یارییا فوتسالێ به‌ری چه‌ند رۆژا ب فه‌رمی گرێبه‌ستا یانه‌یا جه‌ویه یا به‌غدایی‌ ئیمزا كریه‌ ژبۆ پشكداریێ دگه‌ل تیما وان بۆ كۆپا ئیراقێ ئه‌وا بڕیاره‌ هه‌ڤڕكیێن وێ ل 18ێ ڤێ هه‌یڤێ پارێزگه‌ها دهۆكێ مێڤانداریا وێ بكه‌ن.
د دیداره‌كێ دا ناڤهاتی بۆ رۆژناما ئه‌ڤرۆ گوت: ب مخابنی ڤه‌ چو یانه‌یێن پارێزگه‌هێ و ده‌ڤه‌را به‌هدینان پشكداریێ د كۆپا ئیراقێ دا ناكه‌ن و قاره‌مانی ژی دێ ل دهۆكێ هێته‌ ئه‌نجامدان وه‌كو یاریزانێن پارێزگه‌ها دهۆكێ نه‌چارین یاریێ بۆ یانه‌یێن ئیراقێ بكه‌ین، جهێ سه‌رنجراكێشێ یه‌ چو پشته‌ڤانی بۆ وه‌رزشا ئافره‌تان ناهێته‌ كرن تایبه‌ت یارییا فوستالێ كو د ده‌مه‌كی دا دهۆكێ باشترین یاریزان ل سه‌ر ئاستێ ئیراقێ و هه‌رێمێ هه‌بوون، هه‌كه‌ پشته‌ڤانی هوسا بیت گرنگیێ پێنه‌ده‌ن ئه‌وا‌ نوكه‌ هه‌ی ژی نامینیت رۆژ بۆ رۆژێ ل دهۆكێ به‌ر ب نه‌مانێ چیت.
ل دۆر كاروانێ خوه‌ دگه‌ل فوتسالا یانه‌یا زاخۆ گوت: دبینم ده‌ستڤه‌ ئینانا رێزا دویێ د خولا كوردستانێ دا ده‌ستكه‌فتیه‌كێ مه‌زن بوو ژبه‌ر كو تیمه‌كا نوو و گه‌له‌ك یاریزانێن مه‌ بۆ جارا ئێكێ بوون پشكداریێ تێدا كرین مه‌ گه‌له‌ك كێماسی هه‌بوون لێ سه‌ره‌رای وان كێماسیا ئه‌م شیان ب گه‌هینه‌ یارییا دووماهیێ.
بۆ زانین سیپه‌ل شه‌كوركچا باژێرێ سێمێلێ یه‌ به‌ری نوكه‌ یاری بۆ چه‌ندین یانه‌یێن كوردستانی و پارێزگه‌ها دهۆكێ و هه‌لبژارتیێ ئیراقێ كریه‌.

کۆمێنتا تە