سیپه‌ل شوكر:پشته‌ڤانیا خێزانا خوه شیام ڤان ده‌ستكه‌فتان بینم
ئه‌ڤرۆ،
د دیداره‌كێ دا ستێرا فۆتسالێ یا پارێزگه‌ها دهۆكێ و هه‌لبژارتیا ئیراقێ بۆ رۆژناما ئه‌ڤرۆ دیاركر كو چه‌ند یانێن كوردستانێ و ئیراقێ داخوازا گرێبه‌ستا ل گه‌ل تیمێن ژێ هاتیه كرن ژبۆ پشكداریێ د هه‌ردو خولان دا لێ هه‌تا نوكه چو بڕیار نه‌داینه و هه‌رده‌مێ ده‌لیڤه هه‌بیت دێ به‌رهه‌ڤبیت بۆ یانه‌كا خوه یا پارێزگه‌هێ ئیمزاكه‌ت.
زێده‌تر سیپه‌ل شوكر گوت: كاروانێ من یێ وه‌رزشی ل گه‌ل یانێن شێخان، ئه‌لقۆش، زێره‌ڤانی، سێمێل، ته‌ناهی و گازا باكور بوویه و كه‌یفخووشم باشترین ئاست و گۆلكه‌را قاره‌مانیێ بووم چه‌ند وه‌رزان و هه‌روه‌سان وه‌كو یاریزانا هه‌لبژارتیا ئیراقێ هه‌ر ژ سالا 2011 و هه‌تا نوكه و پشكداری چه‌ندین قاره‌مانیێن ده‌رڤه بووینه ئه‌ڤه هه‌موو وێ یه‌كێ د گه‌هینت كو ب راهێنانێن زه‌حمه‌ت و حه‌ز و ڤیان و پشته‌ڤانیا ده‌یكۆبابێن ژ رێكێن سه‌ركه‌فتنێ نه كو گه‌هشتیمه ڤی ئاستی و ڤان ده‌ستكه‌فتان بینم و دێ به‌رده‌وام بزاڤێ كه‌م ئاستێ خوه پێشبێخم، یا گرنگ دهێته دیتن ئه‌وه هزرێن به‌ری چه‌ند سالان ژلایێ خێزانێ بۆ وه‌رزشڤانا كچ هاتیه گوهۆرین و ب شێوه‌كێ به‌رچاڤ پشته‌ڤانیێ بوو دهێته كرن لێ دڤێت به‌رپه‌رسێن وه‌رزشی پووته‌یی ب وان بده‌ت.
ناڤهاتی خووشترین ده‌مێن خوه د وه‌رزشێ دا دیاركر و گوت: باشترین ده‌ستكه‌فتێن من ل گه‌ل زێره‌ڤانی سێ جاران وه‌كو گۆلكه‌را خولا كوردستانێ و دیسان دو جاران گۆلكه‌را خولا ئیراقێ ل 2009 ل گه‌ل ئه‌لقۆش و ل وه‌رزێ ئه‌ساله دا ل گه‌ل گازا باكور هه‌روه‌سان سالا 2017 ل گه‌ل یانا سێمێلێ ناسناڤێ خولا ئیراقێ ب ده‌ستڤه‌ئینایی و گوت: هیڤییا من ئه‌وه پشته‌ڤانیا كچێن وه‌رزشڤان بهێته كرن و شیانین هه‌ین وه‌كو من ڤان ده‌ستكه‌فتا و ناسناڤان بینن ژبه‌ركو پرانیا ئه‌وان به‌هه‌رمه‌ندی یا هه‌یی و شیانین پێشئێخستنا وه‌رزشا پارێزگه‌ها دهۆكێ یا هه‌یی.
