سیپەل شوكر: بۆ خاترا زاخۆ من گرێبەستێن جودا رەدكرن
بیاڤ مەجید:
د دیدارەكا تایبەت دا سیپەل شوكر ستێرا پارێزگەها دهۆكێ و یانەیا زاخۆ بۆ یاریا فۆتسالێ دیار كر پشتی یانەیا ئافرەتێن دهۆكێ خوە ژ هەردو خولێن ئیراقێ و كوردستانێ ڤەكێشای چەندین یانەیێن كوردستانێ و ئیراقێ پەیوەندی پێ كربوو لێ زاخۆ هەلبژارت ژبەر كو ئەوێ خواست پتر خزمەتا یانەیێن پارێزگەهێ بكەت.
زێدەتر ناڤهاتی بۆ رۆژناما ئەڤرۆ دیار كر پشتی ڤەقەتیانەكا درێژ دگەل زاخۆ جارەكا دی ڤەگەریا و گۆت: ب سانەهی نابیت هەڤڕكیێ ل سەر رێزێن پێشیێ بكەین ژبەر كو ئەو تیمێن د كوما مە دا شارەزایەكا باش دخولێ دا یا هەیی و باشترین یاریزان ل سەر ئاستێ ئیراقێ و كوردستانێ خوە كۆمكرینە.
سیپەلێ گوت ژی: سەرەرای كۆما مە گەلەك یا ب زەحمەتە لێ ئەو دەستان ژ هەڤڕكیێ بەرنادەن و دێ هەموو شیانێن خوە تەرخان كەن بوو دەربازبوونێ بەر ب چار گوشەیا زێرین .
سەبارەت رەوشا فۆتسالا كچان ل پارێزگەها دهۆكێ ناڤهاتیێ دیار كر ئەو پشتەڤانیا بەری نوكە بۆ وەرزشا ئافرەتان نە مایە و نەبوونا چالاكی و قارەمانیێن بەردەوام ژی كارتێكرنا خوە هەیە، ب هیڤیا وێ چەندێ پشتەڤانیەكا باشتر بوو یانەیێن پارێزگەهێ هەبیت ژبەر كو دەمێ یانە زێدە دبن یێن پارێزگەهێ دێ یاریزان پتر پەیدابن و دەرفەتا خوە بینن.
