سیپەل عیسا: گرنگی ب شیانێن كچا وەرزشڤان نا هێتە دان
موسا خالد:
د دیدارەكێ دا كچا پارێزگەها دهۆكێ و راهێنەرا یاریا لەشجوانیێ سیپەل عیسا دیار كر ل كوردستانێ گرنگی ب شیانێن كچا وەرزشڤان نا هێتە دان و هیڤی خواست ژ جهێن پەیوەندیدار خولێن راهێنانێ و ب هێزكرنا ئاستێ وەرزشڤانێن ئافرەت ڤەكەن.
زێدەتر ناڤهاتی گۆت: ئەڤە بۆ ماوەیێ هەشت سالە وەكو راهێنەرا لەشجوانیا كچان دكەت هەرچەندە كارەكێ ب زەحمەتە لێ رژدیا من ژبۆ پشتەڤانیا گەلەك كەسان كریە و ل هۆلێن وەرزشی كاركریە و شیایمە باوەرنامەیا دبلۆم و گەلەك باوەرنامەیێن دی ل سەر ئاستێ كوردشتانێ و ئیراقێ و باوەرنامەیا نێڤدەولەتی وەربگرم و دیسان پشكداری خولێن بهێزكرنێ بووینە و مەرەما مە ژی هەر بۆ پێشئێخستنا وەرزشا كچان بوویە و من ئەڤ كارە هەلبژارتیە ژبەركو ب ڕێیا وەرزشێ شیایمە گەلەك كەسان ب گەهیمنە ئارمانجێن وان چو ژ لایێ چەستەیی یان دەرۆنی یان ژی مەعنەوی، وەرزش گەلەك لایەنێن ژیانێ ب خوە ڤە دگریت هەر ژ تەندرۆستیەكا باش و جوانی و ئارامی هەتا ساخلەمیا رێك و پێك.
هەروەسان سیپەل عیسا گۆت: هیڤییا من ئەوە جهێن پەیوەندیدار باشتر گرنگیێ ب وەرزشا كچان ب دەن و زێدەتر خولێن وەرزشی بۆ راهێنەرێن ئافرەت ڤەكەن لێ نە بتنێ بۆ دو یان سێ رۆژان بەلكو زێدەتر هەیڤەكێ بیت پێخەمەت زێدەتر ئافرەت هەست پێ بكە تكو پشتەڤانی بۆ دهێتە كرن و وەرزش ببیتە رەوشەنبیرەكا بەربەلاڤ و ئاستەكێ بلند دابیت، ژبەركو وەرزش یا هەردو رەكەزانە و ئافرەت ژ تەخا زەلامی كێمتر نینە بلكۆ یەكسانن، لەوما داخواز ژ راهێنەرێن ئافرەت دكەم بەردەوامبن د كارێ خوە دا و رۆژانە خزمەتا خەلكێ خوە دناڤ هولێن وەرزشی دا بكەن چنكو وەرزش ئەندروستیا بەردەوامە ژان ب وەرزشێ یا خوەش و ئارامە.
