سێدنی ریكۆردا جیهانی شكاند
بەزۆكا ئەمریكی سێدنی ماكلۆلین لیڤەرۆن شیا نمرەیا خوە یا جیهانی بۆ بەریكانەیا 400م ئاستەنگ ب ریكۆردەكا نوو بشكێنیت دچارچووڤەیێ ڤاڤارتنێن ئۆلمپیادا ئەمریكا دا ئەوا ل ویلایەتا ئاریجۆن دهێنە كرن
سێدنی یا 24 سال شیا بۆ ماوەیێ 50 چركە و 65 پشك ژ چركەكێ د بەریكانەیا 400م ئاستەنگ دا رێزا ئێكێ بهێت و ریكۆردا فەرمی یا جیهانی بشكێنیت و ب فەرمی دەربازبیتە ئۆلمپیادا فرەنسا 2024ێ، بۆ زانین هەر ئەوێ ب خوە ریكۆردا جیهانی هەبوویە ب 50 چركە و 62 پشك ژ چركەكێ د قارەمانییا جیهانی بۆ یاریێن گۆرەپانێ دا ئەوا ل سالا 2024ێ ل ئەمریكا هاتییە كرن.
دڤێ قارەمانیێ دا سێدنی ماكلۆلین شیا ژ هەڤڕكا خوە ئانا كوكرێل دەربازبیت ئەوا رێزا دویێ هاتی ب 52 چرەكە و 64 پشك ژ چركەكێ، جاسمین جۆنێز رێزا سێیێ هات ب 52 چركە و 77 پشك ژ چركەكێ.
