سێمێل بۆ پاراستنا رێزبەندیا خوە ل سلێمانیێ یە
ئەڤرۆ
ئەڤرۆ تیما تەپا پێی یا یانەیا سێمێل دێ یاریەكا گرنگ و ئاگرین ژ دەرڤەیی یاریگەها خوە ئەنجامدەت دەمێ دبیتە مێڤانا یانەیا سلێمانی ل یاریگەها زانكۆ ژ چارچووڤێ هەڤڕكیێن گەڕا 15ێ یا خولا پلا ئێكا كوردستانێ ئەوا دێ ل دەمژمێر سێ پشتی نیڤرۆ هێتە كرن.
نوونەرا پارێزگەهێ ئەوا هیڤیێن دەربازبوونێ بۆ پلا نایاب ژ دەستداین دێ بزاڤێ كەت دیاریا ئەڤرۆ دا سەركەفتنێ بینت پێخەمەت هیڤیێن مانا خوە د خولێ دا بهێلیت، سێمێل ب15 خالان رێزا 11ێ دهێت و خودانێن ئەردی 23ێ خال كۆمكرینە و رێزا دویێ دهێت.
ل دۆر دووماهی بەرهەڤیێن تیما سێمێلێ پەروەر حسێن سەرپەرشتێ تیمێ بۆ رۆژناما ئەڤرۆ گۆت: هەرچەندە ئەركێ مە د یاریا ئەڤرۆ دا بزەحمەتە بەرانبەر یانەكا هەڤڕكیێ بۆ پلێتا نایاب دكەت لێ مە چو بژاردە نینن بۆ ڤێ یاریێ و یێن مایی بتنێ سەركەفتن و ئەنجامێن باش پێخەمەت مانا خوە د خولێ دا پارێزین پشتی ژ دەستدانا هیڤیێن دەربازبوونێ، ژبەركو خالێن مە دگەل تیمێن دووماهیێ ژی گەلەك نینن لەوما هەڤڕكیەكا بهێز یا هەیی بۆ دەستڤە ئینانا خالان پێخەمەت خوە قورتالكرن ژ داكەفتنێ، بەرهەڤیێن مە ژی گەهشتینە ئاستێ باش و دێ هەموو بزاڤا كەین ب ئەنجامەكێ ئەرێنێ ژ سلێمانیێ ڤەگەریێن.
ژ یاریێن دی، خاك- بابان، برادۆست- بازیان، برۆسك- خانەقین، قەلادزێ- زانكۆیا جیهان، رانیە- رەواندۆز، هەلۆ- هەولێر و رزگاری و كۆیە.
