سێمێل ب مزگینیەكا خوەش دەست ب بەرهەڤییان كر
ب فەرمانا مەسرۆر بارزانی سەرۆكێ حوكمەتا هەرێما كوردستانێ ب فەرمی دێ یاریگەهەكا نوو و مۆدرێن بۆ یانەیا سێمێل یا وەرزشی ل دەڤەرا سێمێلێ هێتە دروستكرن و ئەوا بوویە مزگینییا ئێكێ بۆ جەماوەرێ یانەیێ و بەری دەستپێكرنا وەرزێ نوو یێ خولا پلا ئێكا كوردستانێ یا تەپا پێی.
د داخویانیەكێ دا پەروەر حسێن جێگرێ سەرۆكێ یانەیا سێمێلێ بۆ رۆژنامەیا ئەڤرۆ گۆت: ب مزگینیەكا خوە د. عەلی تەتەر پارێزگارێ دهۆكێ ئەم ئاگەهدار كرین كو حوكمەتا هەرێما كوردستانێ ب فەرمی بڕیارا دروستكرنا یاریگەهەكا نوو و ل دووڤ سیستەمێ یاسایا یا تەپا پێی هاتییە دان و كۆژمەیی پێنج ملیار و 500 ملیۆن دینار بۆ پرۆژەیێ درۆستكرنا یاریگەهێ هاتینە تەرخانكرن، ب ناڤێ كارگێری و جەماوەرێ وەرزشی یێ یانەیێ ئەم سۆپاسییا سەرۆكێ حوكمەتا هەرێما كوردستانێ رێزدار مەسرۆر بارزانی و بەرێز د. عەلی تەتەر پارێزگارێ دهۆكێ ئەوێن بەردەوام پشتەڤان و پالپشتێن وەرزشا سێمێلێ بووینە، هەروەسان ل وەرزێن بۆری پارێزگارێ دهۆكێ بەردەوام پشتەڤان بوویە و سۆز داییە بۆ وەرزێ نوو ژی ئەڤ پشتەڤانییا دارایی بەردەوام بیت و سۆپاسییا خەلیل مەحمود دەڤەردارێ سێمێل دكەین كو بەردەوام بزاڤێن رژد ژبۆ دابینكرنا بۆدجەكێ ژلایێ پارێزگەها دهۆكێ بۆ یانەیا سێمێلێ.
ل دۆر بەرهەڤیێن تیما وان بۆ وەرزێ نوو یا خولا پلا ئێكا كوردستانێ ناڤهاتی گۆت: ل پێنج شەمبییا بۆری دەست ب ئێكەم یەكا راهێنانێ هاتە كرن خوە بەرهەڤكرن بۆ وەرزێ نوو یێ پلا ئێكا كوردستانێ ب سەرپەرشتییا راهێنەر غەریب حەسەن كۆمەكا باش یا یاریزانێن پارێزگەهێ هاتینە دناڤ رێزێن تیمێ دا و دێ بزاڤێ كەین هەتا سێ یاریزانێن پیشەكار كو خەلكێ دی یێن ئیراقێ بن پێخەمەت بهێزكرنا رێزێن تیمێ، ئەك رژدین بۆ وەرزێ نوو دگەل هەبوونا پشتەڤانییا دارایی ژ پارێزگەها دهۆكێ باشترین شێوە و بهێز هەڤڕكیێ بكەین.
