سێمێل د تاقیكرنەكا ب زەحمەت دا و تەناهی دێ بۆ قەرەبوویا سێ خالان كەت
قەیس وەیس:
بڕیارە سوبەهی هەردو نوونەرێن پارێزگەها دهۆكێ یانەیا سێمێل و یانەیا تەناهی یاریێن خوە یێن گەڕا دویێ ژ چارچووڤەیێ خولا پلا ئێك دەربازبوون بۆ پلا نایابا كوردستانێ یا تەپا پێی بكەن ئەو دێ یاریێن ڤێ گەڕێ ل دەمژمێر دو یێ پشتی نیڤرۆ هێنە كرن.
ل یاریگەها زانكۆیا دهۆك تیما یانەیا تەناهی گەشبینە ئێكەم سەركەفتن د خولێ داب ۆ جەماوەرێ خوە بكەتە دیاری دەمێ مێڤاندارییا یانەیا بازیان دكەت، د یارییا بۆری دا تیما تەناهی ب دو گۆلان بەرانبەر گۆلەكێ تووشی خوسارەتیێ بوو دگەل پیشەسازی، بۆ ڤێ یاریێ دێ كار كەت قەرەبوو بكەت و ڤەگەڕێتە سەركەفتنان، د داخویانیەكا پێشتر دارڤان خالد راهێنەرێ تەناهی بۆ رۆژنامەیا ئەڤرۆ گۆت: یاریا دگەل بازیان دێ جەنگین بۆ سێ خالێن یاریێ ژبەركو د ناڤا ئەردێ مە دایە، یاریێن مایی بهێز ڤەگەریێن و بینە هژمارەكا ب زەحمەت د خولێ دا، ژلایەكێ دووڤە تیما یانەیا سێمێل دێ ل یاریگەها زانكۆ بیتە مێڤانا یانەیا سلێمانی د تاقیكرنەكا ب زەحمەت دا، تیما سێمێلێ د یارییا ئێكێ دا ب گۆلەكێ سەركەفتن ل سەر خاك ئینابوو، راهێنەرێ سێمێلێ گەشبینە سەركەفتنا دویێ بینت و بەر ب ئارمانجا خوە یا دەربازبوونێ بەردەوامبیت.
ژ یاریێن دی رۆژا پێنج شەمبی، خاك- پێشەسازی، رزگاری- هەلۆ، رۆژا ئەینی، چەمچەمال- خانەقین، هەلەبچەیا شەهید- بابان، رەواندۆز- كۆیە، قەلادۆز- شورچە.
