سێمێل مێڤانا بازیانه و گاره ل بن گه‌ڤێن خوه‌ڤه‌كێشانێ یه
ئه‌ڤرۆ،
چاڤه‌ڕێ دهێته كرن ئه‌ڤرۆ ل ده‌مژمێر دو یێ پشتی نیڤرۆ پێنچ یاری ژ هه‌ڤڕكیێن گه‌ڕا نه‌هێ یا خولا پلا ئێكا كوردستانێ یا ته‌پا پێی بهێنه ئه‌نجامدان و هه‌ردو یانه‌یێن پارێزگه‌هێ سێمێل و گاره دێ هه‌مبه‌ری یانه‌یێن بازیان و خانه‌قین بن.
تیما یانه‌یا سێمێل دێ ب هیڤیێن ده‌ستڤه ئینانا سێ خالێن یاریی هه‌مبه‌ری مێڤاندارا خوه یانه‌یا بازیان بیت د یاریه‌كا ب سانه‌هی نابیت بۆ نوونه‌را پارێزگه‌هێ ئه‌وا ب پلان و گه‌شبین كو بشێن بگه‌هیته هیڤیێن خوه ژبۆ سه‌رێ لیستێ، هه‌رچه‌نده د نوكه دا ب 13 خالان ل رێزا پێنجێ دهێت ب جووداهیا یاریه‌كێ ژ یانه‌یا هه‌ولێر خودانا 17 خالان رێزا ئێكێ دهێت، خودانێن ئه‌ردی بازیان ب ده‌ه خالان رێزا 11 دهێت.
ژلایه‌كێ دووڤه نوونه‌را دویێ یا پارێزگه‌هێ تیما یانه‌یا گاره د ره‌وشه‌كا خراب دایه و گه‌فێن خوه‌ڤه‌كێشانێ و دووركه‌فتنێ ژ خولێ ل سه‌ر هه‌نه و دبیت د یاریا ئه‌ڤرۆ ژی دا یاریزانێن وێ به‌رهه‌ڤی یاریێ نه‌بن ئه‌وا بڕیاره د ناڤ ئه‌رد و جه‌ماوه‌رێ خوه دا مێڤانداریا یانه‌یا خانه‌قین بكه‌ن، تیما گاره د هه‌ردو یاریێن بوری دا ل گه‌ل بابان و سێمێل به‌رهه‌ڤی یاریێ نه‌بوون، ل دووڤ رێنمایێن ئێكه‌تیا ته‌پا پێی یا كوردستانێ ئه‌و تیما د سێ یاریان دا پشكداری یاریێ نه‌بیت دێ ب فه‌رمی هێته دوورخستن ژ خولێ و چه‌ند بڕیار دژی وێ هێنه دان، له‌وما یاریا ئه‌ڤرۆ یا چاره‌نڤیسه بۆ یانه‌یا گاره ئه‌وا ژبه‌ر ره‌وشا خراب یا دارایی نه‌شیایه مووچێ یاریزانێن خوه یێن سێ هه‌یڤا دابینبكه‌ت بوو ئه‌گه‌ر یاریزان بایكۆتا تیما خوه بكه‌ن.
