سێمێل و تەناهی دێ ل سلێمانیێ پەردێ ل سەر خولێ ڕاكەن و دهۆك چاڤەڕێ یە
ب فەرمی فدراسیۆنا فوتبۆلا كوردستانێ پشككێشان بۆ وەرزێ نوو یا خولا پلا ئێك 2024- 2025ێ ئەنجامدا، ئەوا بڕیارە 15 یانە پشكداریێ تێدا كەن، هەرسێ یانەیێن پارێزگەهێ، دهۆك، سێمێل و تەناهی دێ دگەل یانەیێن دی هەڤڕكیێ بۆ ب دەستڤە ئینانا دو پلێتێن دەربازبوونێ بەر ب پلا نایاب.
پشتی ئەنجامدانا پشككێشانێ یاریێن گەڕا ئێكێ دێ ل 15ێ ڤێ مەهێ بڤی شێوەیی هێنە كرن.
چەمچەمال- سێمێل.
تەناهی- بابان.
كۆیە- رەواندۆز.
زانكۆیا جیهان- سۆران.
بازیان- كفری.
قەلادزێ- هەلۆ.
خاك – شۆرجە.
بۆ زانین تیما یانەیا دهۆك دێ دڤێ حەفتیێ دا یا چاڤەڕێ كری بیت ئەوا ل وەرزێ بۆری ژ پلا نایابا كوردستانێ پاشڤە هاتییە پلا ئێك پشتی ل رێزا 14 و بەری دووماهیێ هاتی.
ل دووڤ ژێدەرێن جودا هەر سێ یانەیێن پارێزگەها دهۆكێ ب شێوەكێ باش خوە بەرهەڤ دكەن، یانەیا سێمێل ب سەركێشیا راهێنەرێن خوە ئاشتی مستەفا و هەرمان سالح كۆمەكا باش یا یاریزانان دناڤ تیما خوە دا زێدەكرینە و ئارمانجا كارگێری و جەماوەرێ وێ دەستڤەئینانا پلێتا دەربازبوونێ یە، هەمان ئارمانجا یانەیا دهۆكێ ژییە كو ڤەگەڕیان بۆ پلا نایاب و بڕێیا بەرهەڤیێن تیما وان بۆ خولا ئیراقێ(ردیف) دێ پشكداریێ د خولا كوردستانێ دا كەن، ژلایێ خوەڤە یانەیا تەناهی ژی حەزێن هەڤڕكیێ یا هەیی لێ گڤاشتنێن قەیرانا دارایی وەكرییە چارەنڤیسێ تیمێ و پاشەرۆژا وێ دیار نەبیت و هێش چ نە هاتییە دیتن ئەرێ تەناهی شیانێن هەڤڕكیێ بۆ پلێتا دەربازبوونێ هەنە یان نە.
