سێمێل و گاره دێ بزاڤێن سه‌ركه‌فتنا ئێكێ كه‌ن
ئه‌ڤرۆ، قه‌یس وه‌یس
هه‌ردو نوونه‌رێن پارێزگه‌ها دهۆكێ تیما یانه‌یێن سێمێل و گاره دێ بزاڤێ بۆ سه‌ركه‌فتنا ئێكێ كه‌ن ده‌مێ ئه‌ڤرۆ ل ده‌مژمێر دو یێ پشتی نیڤرۆ مێڤانداریێن یانه‌یێن زانكویا جیهان و رانیا ژ چارچووڤێ هه‌ڤڕكیێی گه‌ڕا سێیێ یا خولا كوردستانێ بۆ یانه‌یێن پلا ئێك یا ته‌پا پێی دكه‌ن.
تیما یانا سێمێل دێ بزاڤێ كه‌ت سه‌ركه‌فتنا ئێكێ دناڤ ئه‌رد و جه‌ماوه‌رێ خوه دا ل سه‌ر كیستێ یانا زانكویا جیهان بینت، تیما پارێزگه‌هێ د هه‌ردو یاریێن بوری د ابتنێ ئێك خال كۆمكریه، د یاریا ئێكێ دا ل گه‌ل ره‌واندۆز بێ گۆل وه‌كهه‌ڤبوون، یا دویێ هه‌مبه‌ری یانا هه‌ولێر تووشی خوساره‌تیێ بوون ب گۆله‌كێ، پلانێن راهێنه‌رێ سێمێلێ محه‌مه‌د یوسف هه‌ر ژ ده‌ستپێكێ كۆمكرنا خالانه ژبۆ ده‌ستڤه‌ئینانا رێزبه‌ندیه‌كا باش و هه‌ڤڕك بۆ پلێتا ده‌ربازبوونێ، یاریا ئه‌ڤرۆ هه‌موو یاریزان دێ لبن گڤاشتنا جه‌ماوه‌رێ خوه بن و داخوازكرینه ژبۆ ئێكه‌م سه‌ركه‌فتن.
ژلایێ خوه‌ڤه یانا گاره ئه‌وا ره‌وشه‌كا خراب ده‌رباز دكه‌ت ب كۆمه‌كا یاریزانێن گه‌نج و راهێنه‌ره‌كێ خودان هیڤی دێ ل یاریگه‌ها خوه مێڤانداریا یانه‌یا رانیا كه‌ن، نوونه‌را دویێ یا پارێزگه‌هێ دو خال ژ دو وه‌كهه‌ڤیان كومكرینه ئه‌وژی ل گه‌ل قه‌لادز و هه‌لۆ، یاریا ئه‌ڤرۆ دێ ل كه‌ل تیمه‌كێ بیت خودانا چار خالانه، یانه‌یا گاره رژده سه‌ركه‌فتنێ دناڤ ئه‌رد و جه‌ماوه‌رێ خوه دابینت.
ژ یاریێن دی یێن ئه‌ڤرۆ، خانه‌قین- هه‌ولێر، برادۆست- خالك، كویه- ره‌واندۆز، سوبه‌هی، پێشه‌سازه- سلێمانی، رزگاری- برۆسك، شۆرچه- قه‌لادز، بازیان- هه‌لۆ.
