سێ دادڤانێن پارێزگه‌هێ پشكداریا خوه د خولا ئیراقێ دا مسۆگه‌ر كر
ئه‌ڤرۆ،
ژ سه‌رجه‌مێ هه‌شت دادڤانانێن ب فه‌رمی سێ دادڤانێن پارێزگه‌ها دهۆكێ شیان د تاقیكرنێن تیۆری و پراكتیكی دا ب سه‌ركه‌ڤن و پشكداریا خوه د خولا پلا ئێك و نایاب دا مسۆگه‌ر بكه‌ن، پشتی بۆ ماوێ دو رۆژان ل باژێرێ به‌غدا كه‌فتینه لبن تاقیكرنا دا خوه به‌رهه‌ڤكرن بۆ وه‌رزێ نوو یێ خولا ئیراقێ یا ته‌پا پێی.
سوبحی كامل نوونه‌رێ دادڤانێن پارێزگه‌هێ ل ئێكه‌تیا ئیراقێ بۆ رۆژناما ئه‌ڤرۆ گۆت: هه‌ر سێ دادڤانێن مه یێن پارێزگه‌ها دهۆكێ و ئاستێ پله ئێك محه‌مه‌د حه‌سه‌ن و ئه‌دهه‌م عیسا ژ باژێرێ سێمێلێ و محه‌مه‌د تاها ژ باژێرێ ئاكرێ شیان ب سه‌ركه‌فتیانه ژ تاقیكرنێن تیۆری و پراكتیكی یێن تایبه‌ت ب دادڤانێن ئیراقێ و كوردستانێ ده‌ربازبكه‌ن و پشكداریا خوه د خولا پلا ئێكا ئیراقێ ژی مسۆگه‌ر بكه‌ت ودیسان بۆ پلا نایاب ژی هه‌رده‌مێ پێدڤی بن دێ داخواز ژ وان هێته كرن.
هه‌روه‌سا ناڤهاتی دیاركر ئه‌و دادڤانێن دی یێن پارێزگه‌هێ نه شیاین ژ تاقیكرنان ده‌ربازبن چ تیۆری یان پراكتیكی لێ بۆ داهاتی دێ شێن دوباره ڤه‌گه‌ڕێن و دێ شێن ب سركه‌فتنێ ڤه‌گه‌ڕێنه دناڤ چالاكیێن خولا پلا نایاب و ئێك یا ئیراقێ دا.
