سێ دادڤانێن پارێزگه‌هێ پله‌یا نێڤده‌وله‌تی وه‌رگرتن
ئه‌ڤرۆ،
سێ دادڤانێن پارێزگه‌ها دهۆكێ ئه‌وژی محه‌مه‌د نه‌بی، ڤه‌هێل ئه‌حمه‌د و محه‌مه‌د حسێن بۆ یاریا باسكت بۆلێ پله‌یا دادڤانیا سه‌رمێزێ یا نێڤده‌وله‌تی وه‌رگرتن پشتی پشكداری خول و تاقیكرنێن تیوری یێن ژلایێ ئێكه‌تیا باسكت بۆلا عیراقێ بۆ هه‌موو دادڤانێن خوه رێكخستی و ب سه‌ركه‌فتیانه پله‌یا نێڤده‌وله‌تی وه‌رگرتن.
د داخویانیه‌كێدا محه‌مه‌د نه‌بی ئێك ژ دادڤانێن پارێزگه‌هێ و پشكدار بۆ رۆژناما ئه‌ڤرۆ گوت: ب سه‌ركه‌فتیانه ئه‌م هه‌رسێ دادڤانێن پارێزگه‌هێ یێن دادڤانیا سه‌رمێزێ پله‌یا نیڤده‌وله‌تی وه‌ربگرین كو ژلایێ ئێكه‌تیا عیراقێ و هه‌ڤكاری و په‌سند ژ ئێكه‌تیا ئاسیا ڤه هاتیه كرن ژبه‌ر پێدڤییا عیراقێ ب دادڤانان بۆ وه‌رزێ نوو یێ خولا عیراقێ و قاره‌مانیێن ده‌وله‌تی و هه‌روه‌سان ژبۆ بلندكرنا پله‌یا پرانیا دادڤانێن سه‌رمێزێ ل هه‌موو پارێزگه‌هێن ئیراقێ و كوردستانێ كو ب فه‌رمی پله‌یا مه هاتیه بلندكرن بۆ دادڤانانێ نێڤده‌وله‌تی هه‌تا 2023ێ هه‌كه‌ر ئه‌كتیڤ بمینین دێ تاقیكرنێن بلندكرنا شیانان هێنه كرن.
ژلایه‌كێ دووڤه ناڤهاتی ئه‌وچه‌نده ژی دیاركر كو سه‌ر ئاستێ پارێزگه‌ها دهۆكێ ئه‌و هه‌رسێ دادڤان بتنێ نێڤده‌وله‌تی نه بۆ سه‌رمێزێ و گوت: مه ئارمانج و هیڤیێن مه‌زنتر هه‌نه ئه‌وژی وه‌كو دادڤانێن كورد و پارێزگه‌ها دهۆكێ پشكداری قاره‌مانیێن نێڤده‌وله‌تی بین و گه‌شبینن دێ ئه‌ڤچه‌نده ژی هێته ل گه‌ل خوه ماندیكرن و پێئێخستنا ئاستێ خوه.
