سێ دێربیێن ب هێز هەنە و یا كوردستانی ئاگرینە
قەیس وەیس:
چاڤەڕێ دهێتە كرن ئەڤرۆ چار یاریێن دی ژ هەڤڕكیێن گەڕا 29ێ یا خولا ستێرێن ئیراقێ یا فوتبۆلێ بهێنە كرن و ئەوێن ئەڤ گەڕە هەتا سوبەهی دێ بەردەوامبن، یانەیێن كوردستانی دێ یاریێن بهێز ژ دەرڤە هەبن گرنگترین یاری دێربییێ كوردستانی دناڤبەرا یانەیێن زاخۆ و نەورۆز دابن.
سێ دێربی ژ وانا دویێن ئاگرینینن
یارییا ئێكێ ژ ڤێ گەڕێ دێ یانەیا كەربەلا دێ ئەلقاسم مێڤان كەت، خودانێن ئەردی شەڕی بۆ مانا خوە د خولێ دا كەت ئەوا ب21 خالان رێزا 19ێ دهێت، بەرانبەر یانەیا ئەلقاسم چاڤ ل رێزێن باشترە ئەوا 43 خال هەین رێزا شەشێ دهێت.
هەرسێ یاریێن دهێنە هژمارتن دێربی و بڤی رەنگی، ل دەمژمێر پێنجێ ئێڤاری یاریگەها فەیحا ل بەسرا دێ هەردو یانەیێن بەسرایی بەرانبەر ئێك ڕأوەستین، نەفت ئەلبەسرا خودانا 24 خالان رێزا 17ێ دهێت و مینا زێدەتر خالەكێ رێزا 18ێ دهێت، یارییا دویێ یا دێربی دەمژمێر 7:30 شەڤ ل یاریگەها شەعب ل بەغدا یانەیا شورتە خودانا سەرێ لیستێ ب59 خالان دێ مێڤاندارییا زەورا كەت ئەوا هەڤڕكا وێ ب 58 خالان رێزا دویێ دهێت.
یارییا سێیێ یا دێربیێ ئەوێن ئەڤرۆ دێ هێتە كرن ئاگرینە كو دبیتە دێربیێ كوردستانی دناڤبەرا خودانێن ئەردی یانەیا نەورۆز ئەوا 35 خال كۆمكرین رێزا 13ێ دهێت، ژلایێ خوەڤە یانەیا زاخۆ هەڤڕكا سەرێ لیستێ ب 52 خالان رێزا سێیێ دهێت، دهێتە پێشبینیكرن جەماوەرەكێ ئێكجار زوور دناڤ یاریگەهێ دا بەرهەڤبیت، بۆ زانین ئەڤ دێربییە دبیتە یێ هەشتێ دناڤبەرا واندا، شەش سەركەفتن بۆ زاخۆ، شەش بۆ نەورۆز و ئێك وەكهەڤی هەیە.
كوڕێن خابووری 43 گۆل هەنە
پیشەكارێ یانەیا زاخۆ یێ بەرازیلی گۆستاڤۆ هێنریك ل سەرێ لیستا گۆلكەرێن تیما خوە دهێت ب تۆماركرنا 16 گۆلان، هەڤالێ وی و یاریزانێ هەلبژارتیێ ئیراقێ ئەمجەد عتوان ب تۆماركرنا 13 گۆلان رێزا دویێ دهێت، ناسر محەمەدو پێنج گۆل، ئەحمەد یاسین دو گۆل، دیبیۆتی ئۆگۆنا سێ گۆل، هەر ئێك ژ ئەیۆب نناحی گۆلەك، محەمەد عەلی عەبۆد گۆلەك و موسێس گۆلەك، مەحمود فائیز، پاتریك مارسێلۆ هەر ئێك گۆلەك تۆماركرینە كو سەرجەمێ گۆلێن زاخۆ بووینە 43 گۆل د خولێ دا.
