سێ مووچەیێن سالا بۆری دێ هێنەدان
هەولێر، سولین سلێمان:
موچەخورێن هەرێما كوردستانێ هەر ئێك ژ مووچەیێن مەها 10 و 11 و 12 یێن سالا بۆری وەرنەگرتینە، حكومەتا هەرێما كوردستانێ ژی دانا وان مووچەیان ئێخستیە سەر ملێن حكومەتا فیدرال یا ئیراقێ، هەرچەندە حكومەتا ئێراقێ ژی دیار كریە، كو ئەو دانا وان هەر سێ مووچەیان ب ئەركێ خوە دزانن.
ڤیان سەبری، سەرۆكا فراكسیۆنا پارتی دیموكراتی كوردستان ل پەرلەمانێ ئیراقێ تایبەت ژ بۆ رۆژناما ئەڤرۆ گۆت: «ل دۆر وان تێكگەهشتنێن د ناڤبەرا هەردو حكومەتێن هەرێما كوردستانێ وئیراقێ دا هەین، راستی ژ بۆ مەزاختنا سێ مووچەیێن سالا بۆری هەیە».
سەرۆكا فراكسیۆنا پارتی ل پەرلەمانێ ئیراقێ گۆتژی: «سەرۆكوەزیرێن هەرێما كوردستانێ چەندین بریارێن گرنگ ل دۆر بەرژەوەندیا خەلكێ كوردستانێ دابوون، ژ وان ژی: راگەهاندبوو، بەری جەژنێ دو مووچە دێ هێنەدان، دیسا بزاڤێن مە دبەردەوامن، داكو ئەو سێ مووچەیێن سالا بۆری ژی بهێنەدان».
