سێ نڤیسه‌ر دێ هێنه خه‌لاتكرن و دو پرتووك ژی دێ هێنه ئیمزاكرن
ئه‌ڤرۆ:
رێڤه‌به‌ریا گشتی یا ره‌وشه‌نبیری و هونه‌ری ل پارێزگه‌ها دهۆكێ/ رێڤه‌به‌ریا چالاكیێن وێژه‌ی، ل به‌ره ئه‌ڤرۆ چارشه‌مبێ ل ده‌مژمێر شه‌شی ئێڤاری روونشتنه‌كا ئه‌ده‌بی و رێزلێنانێ ل هولا نالبه‌ند ل پانۆراما ئازادی بگێڕیت، ل ده‌ستپێكێ دێ هه‌ر سێ سه‌ركه‌فتیێن ئێكێ یێن ده‌ڤه‌را به‌هدینان د فیسته‌ڤالا گه‌لاوێژ یا نێڤده‌وله‌تی دا ئه‌وا به‌ری چه‌ند رۆژان ل باژێرێ سلێمانیێ هاتیه گێڕان هێنه خه‌لاتكرن، كو ئه‌و ژی ئه‌ڤ نڤیسه‌ره نه (محسن عه‌بدولره‌حمان، دلبرین عه‌بدولفه‌تاح بۆتانی، دلدار محه‌مه‌د) دووڤدا هه‌لبه‌ستڤان (بلند باكۆزی) دێ چه‌ند هه‌لبه‌ستان ژ پرتووكا خوه یا نوو (بازێن چیا) خووینت و ب ئیمزا خوه وێ پرتووكێ ل سه‌ر به‌رهه‌ڤبوویان به‌لاڤكه‌ت.
هه‌روه‌سا ئێكه‌تیا نڤیسه‌رێن كورد/تایێ دهۆكێ، ل به‌ره سوبه‌هی رۆژا پێنجشه‌مبێ سمیناره‌كێ بۆ نڤیسه‌ر و رۆمانڤیس(ته‌حسین ناڤشكی) ل بن ناڤێ (گه‌شته‌كا كورت دناڤ ئاڤاهیێ رۆمانا ژانێن ئازادیێ دا یا نڤیسكار ئیبراهیم سپینداری دا گێڕیت، هه‌روه‌سا نڤیسكارێ وێ رۆمانێ ژی دێ چه‌نده‌كێ ل سه‌ر رۆمانا خوه ئاخڤیت پاشی ب ئیمزا خوه وێ رۆمانێ ل سه‌ر به‌رهه‌ڤبوویان به‌لاڤ كه‌ت، ئه‌ڤ چالاكیه ژی دێ ل ده‌مژمێر شه‌شی ئێڤاری بیت ل هولا نڤیسه‌ران،
هاتن بۆ هه‌ردو چالاكیان بۆ هه‌موویانه، به‌لێ ل دووف مه‌رجێن ساخله‌میێ.