سێ گۆتگۆتك و خەیال ل دۆر مۆبایلێن ئەندرۆید و خەلك ژی باوەر دكەن
وەكو هەر سیستەمەكێ دی یێ كاركرنێ، گەلەك گۆتگۆتك ل سەر سیستەمێ ئەندرۆید ژی هاتینە گۆتن و ل گەل بۆرینا دەمی هەموو راستی ئاشكەرا دبن، هندەك ژ وان د درستن و هندەك ژی د دوورن ژ راستیێ.
ئەڤرۆ دێ سێ تشتان بۆ تەر بەرچاڤ كەین كو هاتینە گۆتن و د راستی دا وەسا نینن و دڤێت باوەریا خوە پێ نەئینی.
- مۆبایلێ ب تنێ ب وەیرا ئورجینال بارگە بكە:
نەخێر، وەسا نینە. مۆبایل هند یێن پێش كەفتی كو وێ چەندێ قەبوول بكەن ب وائیرەكا دی بهێنە بارگە كرن و نەیا وێ یا ئورجینال بیت و ئەڤ كەرەستە ژی ئێدی یێن پێش كەفتین و خوە ل سەر مۆبایلان د گۆنجینن، بێ بەرێ خوە بدەیێ كا چ مۆبایلێ ب كار دئینی، چو كارتێكرنا خوە نابیت هەكە چ جورێ وایرێ بۆ بارگەكرنێ بكارئینی، هەر پاتری ب بورینا دەمی دێ ل كێمیێ دەت و ژ ناڤ چیت.
هەكە ئەو كەرستێن بۆ بارگەكرنێ ب كار دئینی چەند د بێ كوالێتی بن و چەند ژ براندەكا باش یان خراب بن. مۆبایل نها ب دو رێكخەران وزێ ددەن ئەوێن كو ئەو پێدڤی پێ، ژ بەر هندێ ژی ژ جورێ وایرێ بۆ بارگەكرنێ نەترسە.
براندێن جیهانی ژی هند ب سەروبەر نینن كو جوداهیەكا مەزن بێخنێ، ژ بەر هندێ ژی دبێژین وایرا بارگەكرنێ چو مەترسیێن خراب ل سەر مۆبایلێ نینن. ئێدێ گوهداریا وێ گۆتنێ نەكە یا دبێژیت دڤێت ئامیرێ بارگەكرنا مۆبایلا فلان براند بیت.
- ئابدەیتكرن مۆبایلێ خرابتر لێ دكەت:
گەلەك یا بەربەلاڤە و ب زۆری ژی دهێتە گۆتن دەما ئێكێ یان ئێكێ بڤێت مۆبایلا خوە ئابدەیت كەت، هند یا بەربەلاڤە ژی كو دبیت كەس ژ مە نەمابیت گوه ل ڤێ گۆتنێ نەبووی كو هەكە تلەفۆنا خوە ئابدەیت كەیی، دێ خرابتر لێ هێت. راستە كو هندەك جاران ئابدەیتان هندەك كێماسی تێدا هەنە، بەلێ دڤێت هند گرنگیێ پێ نەدین و گرنگ وەرنەگرین، چونكو نە د سەرەكی نە و زوو دهێنە چارەكرن.
هەكە كۆمپانیێ ئابدەیتەك دەرێخست، ئەو رامانا وێ ئەوە كو دێ ئێك ژ ئاریشێن ئەو ئامیرێ تە هەیی چارە كەت، گەلەك چارەسەركاری بۆ رێیێن پاراستنا مۆبایلێ ژی دهێنە زێدەكرن و كودێن نهێنی ژی دهێنە پاراستن. مۆبایلا ئابدەیتكری پتر دێ تایبەتمەندیێن تە پارێزیت و گەلەك خزمەتێن نوو ژی دێ زێدە بن.
هندەك گوهۆڕین د شێواز و كاری دا دهێنە كرن، دبیت ل دەستپێكێ ئەڤە یا ب دلێ تە نەبیت، بەلێ تشتەكە دێ هەر هێتە كرن و ئەڤرۆ روو نەدەت دێ سوبەهی روو دەت.
دەمێ هەر ئابدەیتەك دهێت، هندەك كەسان دلخۆش دكەت و هندەك ژی خەمناك دبن، ئابدەیتكرنا مۆبایلێ تشتەكێ گرنگە و دڤێت بەردەوام بهێتە كرن ل هەر دەمەكێ داخوازێ ژ تە دكەت.
- شیرت ل تە هاتیە كرن كو پاتری ڤالا ببیت، ژ نوو مۆبایلێ بارگە بكەیی:
نە، نە، نە، ئێكجار پێدڤی ب وێ چەندێ ناكەت پاتریا مۆبایلێن زیرەك ڤالا ببیت ژ نوو پڕ بكەیی، د سەر ڤێ چەندێ را زیانێن خوە پتر هەنە ژ باشیێن خوە.
خانێن پاتریێ تووشی كاركرنەكا زێدە دبن ل دەمێ پاتری بەر ب دووماهیێ ڤە دچیت، ژ بەر هندێ نەیا باشە هەر دەم خوە بگری هەتا پاتری گەلەك كێم ببیت ژ نوو پڕ بكەیی. نابیت چو جاران ببیە ئەگەر كو مۆبایلا تە ژ بێ پاتری ب ڤەمریت، ب تنێ هەكە چو چارە نەبن و كەرستێن بارگەكرنێ ل گەل تە نەبن.
ب درێژاهیا دەمی دێ شاشا مۆبایلا تە یا تاری بیت و پێدڤی ب كارەكێ زۆر بیت بۆ دابینكرنا بارگێ و ب ڤێ چەندێ ژی دێ زیانەكا مەزن پێ كەڤیت. ژ بەر هندێ نەهێلە بارگا مۆبایلا تە ژ 10 بۆ 15% كێمتر لێ بهێت و جارەكا دی بارگە بكەڤە.
ئەڤە سێ تشتێن نەراست بوون كو گەلەك ب بەربەلاڤی هاتبوونە بەلاڤكرن و پتریا بكارئینەرێن ڤان ئامیران ژی باوەری پێ هەیە، بەلێ هیڤی یە پشتی خواندنا ڤی بابەتی باوەر ژێ نەكەن.
