سێ تایبه‌تمه‌ندیێن ئایفون 14 یێن دخوازی د سیسته‌مێ ئه‌ندرۆید دا هه‌بان
پشتی چه‌ندین هه‌یڤان ژ به‌لاڤبوونا پرۆپاگندان، ل دووماهیێ كۆمپانیا ئه‌پل په‌رده ل سه‌ر ئایفۆنێن خوه یێن ئه‌ڤ ساله راكر كو پێك دهێن ژiPhone 14 و iPhone 14 Plus و iPhone 14 Pro و iPhone 14 Pro Max.
چو گۆمان تێدا نینه ل سالانه ئایفۆن هنده‌ك گوهۆڕینێن مه‌زن د مۆبایلێن خوه دا دكه‌ت هه‌كه خوه ژ لایێ دیزاینێ ڤه چو گوهۆڕینێن به‌رچاڤ نه‌كه‌ت ژی. دێ ل ڤێرێ سێ تایبه‌تمه‌ندیان به‌رچاڤ كه‌ین كو هه‌ر بكارئینه‌ره‌كێ ئه‌ندرۆیدێ دخوازیت د ناڤ مۆبایلێن وان دا هه‌بیت.
پێشخستنا تایبه‌نمه‌ندیا Always On Display
ئه‌ڤه ژ سالا 2016ێ وه‌ره تایبه‌تمه‌ندیا Always On Display د سیسته‌مێ ئه‌ندرۆید دا هه‌یی، به‌لێ ئه‌ڤه ژ وێ مێژوویێ و هه‌تا نها، هه‌ڤدژی كۆمپانیا ئه‌پل، گۆگل گرنگی پێ نه‌دایه.
د ئایفۆنا نوو دا، دشیان دایه ده‌مژمێر و پێزانینێن سه‌قایی و مێژوو و تشتێن دی ب ره‌نگا و ره‌نگ ببینی، به‌لێ هێشتا د سیسته‌مێ ئه‌ندرۆید دا یێ ره‌ش و سپی یه و هنده‌ك پێَزانینێن كێم دیار دبن.
سه‌ره‌رایی ڤێ تایبه‌تمه‌ندیێ ب ره‌نگه‌كێ وه‌سان پێشكه‌فتی هاتیه دروستكرن كو پاتریێ ژی گه‌له‌ك نه مه‌زێخیت، ب ره‌نگه‌كی پاتری به‌هرا ته یا رۆژێ هه‌موویێ بكه‌ت هه‌كه خوه ئه‌ڤ تایبه‌تمه‌ندیه یا ڤه‌كری ژی بیت.
Dynamic Island داینمیك ئاسله‌ند
ئێك ژ تایبه‌تمه‌ندیێن دی یێن گه‌له‌ك باش یێن ئایفۆنا نوو ئه‌وه كو ل گه‌ل شاشێ و ل سه‌رێ وێ، جهه‌كێ ره‌ش یێ كلاسیسكی تێدا دهێته دیتن. دبێژنه ڤێ پارچا ره‌ش یا ژ شاشێ جودا Dynamic Island كو به‌رپرس بوو ژ گه‌له‌ك تایبه‌تمه‌ندیێن ئاگه‌هداركرنێ و فه‌یس ئای دی و گه‌له‌ك كارێن دی، هه‌ڤدژی یا ئه‌ندرۆیدێ، ئه‌پلێ ژماره‌كا دی یا تایبه‌تمه‌ندیان لێ زێده كرینه.
كۆمپانیا ئه‌پل چه‌ندین تایبه‌تمه‌ندیێن دی ل وی جهێ ره‌ش زێده كرینه وه‌كو ئاستێ پاتریا ئایربۆدێ و زه‌نگا ئاگه‌هداركرنا تله‌فۆنێن دهێن و كه‌رستێن ده‌ستێوه‌ردانا میوزیكێ و رێژا سه‌دێ یا پاتریا مۆبایلێ و قه‌بارێ وێ ژی ل دووڤ تایبه‌تمه‌ندیا خزمه‌تێ دهێته گوهۆڕین.
ئاگه‌هداركرنا ب رێیا هه‌یڤێن ده‌ستكرد SOS
ل دووماهیێ تایبه‌تمه‌ندیا نوو یا بكارئینه‌رێن ئه‌ندرۆیدێ دڤێت د مۆبایلێن خوه دا ببینن، پشته‌ڤانیكرنا ده‌زگێن ئاگه‌هداركرنێ یه ل حاله‌تێن ته‌نگاڤیان ب رێیا هه‌یڤێن ده‌ستكرد، ئه‌ڤه ژی ئێك ژ وان تایبه‌تمه‌ندیایه یێن گۆگل بۆ ئه‌ندرۆید 14 كار ل سه‌ر دكه‌ت.
ب ڤێ رێ، كۆمپانیا ئه‌پل ده‌ستپێكر، په‌یوه‌ندی ب هه‌یڤێن ده‌ستكرد د مۆبایلێن وێ یێن نوو دا، دێ رێ ب ئاگه‌هداركرنا حاله‌تێن نه‌خواستی ده‌ت ب رێیت نامان هه‌كه خوه مۆبایل ل جهه‌كی بیت و تۆڕا ئه‌نترنێتێ ل به‌ر ده‌ست ژی نه‌بیت. ئه‌ڤ ساخله‌ته دێ ب ره‌نگه‌كێ هه‌ره‌مه‌كی ل ئه‌مریكا و سویسرا به‌لاڤ بیت وه‌كو ده‌ستپێك و دێ ل دو سالێن ئێكێ یا بێ به‌رامبه‌ر بیت.
هێش نه‌هاتیه دیاركرن كا دێ ئه‌ڤ خزمه‌ته ب چه‌ندێ بیت د ئامیرێن ئایفۆن دا پشتی ڤێ مێژوویێ، به‌لێ تشتێ دهێته تێبینیكرن ل ده‌مێ گۆگل ڤێ خزمه‌تێ د سیسته‌مێ ئه‌ندرۆید دا به‌لاڤ دكه‌ت، دێ یا بێ به‌رامبه‌ر بیت.
