سێ سەربازێن عیراقی هاتنە کوشتن
ئەڤرۆ نیوز:
فەرماندارەکێ ئۆپەراسیۆنێن هەڤپشک یێ عیراقێ راگەهاند کو د ئەنجاما هێرشێن شەڤا بۆری یێن فرۆکێن ئەمریکا سێ سەربازێن عیراقێ جانێ خوە ژ دەست داینە و چار سەرباز ژی بریندار بووینە کو برینا دو ژ وان یا گرانە.
بەرپرسێن عیراقێ ژی هێرشا ئەمریکا وەکو بنپێکرنا سەروەریا عیراقێ بناڤ دکەن و داخوازا دەرکرنا هێزێن ئەمریکا ل عیراقێ دکەن.
ئەو هێرشا ئەمریکا پشتی هندێ هات کو د ئەنجاما هێرشا چەند موشەکان ل سەر بنگەهێ سەربازی یێ تاجی دو سەربازێن ئەمریکا و ئێک ژی یێ بریتانیا جانێ خوە ژ دەست دابوون.
