سێ قوتابخانە ل ناحیا بجیلێ دهێنە چێكرن
صەباح زوهێر زێباری:
رێڤەبەرێ ناوچەداریا بجیلێ بۆ رۆژناما ئەڤرۆ دیار كر كو سێ قوتابخانە ل ناوچەداریا بجیلێ دێ هێنە چێكرن، ژ وان ژی: قوتابخانەكا چار پۆلی ل گوندێ سەوسول دێ هێتە چێكرن، ب گوژمێ 66 ملیۆن دیناران، كو نوكە دەست ب كاركرنێ هاتیە كرن و ب رێژەیا 5%ێ كار تێداكریە.
بروا فاروق، رێڤەبەرێ ناوچەداریا بجیلێ گۆت: «قوتابخانەكا بنەرەت ل سەنتەرێ كەلاتێ ل سەر بودجا گەشەپێدانا بەغدا، كو قوتابخانەكا چار پۆلی یە ب گوژمێ 87 ملیۆن دیناران، ئەڤ پرۆژە ژی دهێتە بجهئینان، ئەڤ پڕۆژە ژی یێ ل دەستپێكا كاركرنێ، دێ ئەڤ قوتابخانە ژی مفایەكێ باش گەهینتە خەلكێ كەلاتێ، چونكی كەلات دو پشكە جادا سەرەكی د ناڤ گوندی ڕا دەرباز دبیت و مەترسیا روودانێن هاتنوچوونێ ل سەر قوتابیان هەیە، لێ ب تەمامبوونا وێ قوتابخانێ، ئەو ئاریشە ژی نامینیت».
ل داویێ گۆتژی: «قوتابخانەكا 18 پۆلی ژ لایێ جەنابێ سەرۆكێ حوكمەتا هەرێما كوردستانێ مەسرور بارزانی راگەهاندبوو، ئەو ژی یا گەهشتی یە د قووناغا تەندەری دا و دێ كەڤیتە د قووناغا بجهئینانێ دا، ئەڤ قوتابخانە ژی دێ كێشا قوتابیان ل سەنتەرێ ناوچەداریا بجیلێ چارەكەت».
