سێ قۆتابى ل زانكویه‌كا ئه‌مریكى هاتنه كوشتن
ئه‌ڤرۆ نیوز، ڤه‌ده‌ر سوبحى
سێ قوتابیێن زانكۆیێ یێن موسلمان ل حه‌ره‌مێ زانكۆیا كارۆلاینا باكۆر ل ویلایه‌تا كالیفورنیا بشێوه‌كێ هۆڤانه هاتنه گوللـه‌باران كرن و گیانێ خوه ژ ده‌ست دان.
پولیسێن ویلایه‌تا كالیفورنیا باكور كه‌سه‌كێ ئه‌مریكی یێ 42 سالی بناڤێ كره‌یگ ستیفن ده‌سته‌سه‌ركرن بتومه‌تا كوشتنا ڤان سێ كه‌سان .
هه‌ر سێ قوربانی قوتابیێن زانكویێنه ب ناڤێ شادی به‌ره‌كات 23 سالی و یوسور موحه‌مه‌د 21 سالی و ره‌زان 19 سالی خوشكا شادیێ.
شادی و یوسور ب تنێ بو ده‌مێ مه‌هه‌كێ یه هه‌ڤژینی پێكئینای و سه‌ره‌رای وێ یه‌كێ قوتابی بوون هاریكاری ژی بۆ په‌نابه‌رێن سوریا كۆم دكرن.
ژبه‌ركو هه‌ر سێ قوربانی موسلمانن و كوژه‌ك نه موسلمانه گه‌له‌ك كه‌سان ل تورێن جڤاكی گۆمان كرینه كو ژبه‌ر ئاینێ وان هاتبنه كوشتن.
