سێ كارمه‌ندێن نه‌ته‌وێن ئێكگرتى هاتنه ره‌ڤاندن
ئىڤرۆ نيوز:
پرۆگرامێ خوارنا جيهانى د به‌ياننامه‌كێ دا راگه‌هاند كو ئه‌و د دلگرانن ل دۆر چاره‌نڤيسێ سێ ژ كارمه‌ندێن وان يێن هاتينه ره‌ڤاندن ژ ويلايه‌تا ئه‌عالى نيل ل باشوورى سودان ل ڤێ هه‌يڤێ.
رێڤه‌به‌را كارگێرى يا به‌رنامه‌يى، ئيسيريان كازن، گۆت: “ئه‌م گه‌له‌ك د دلگرانين ل دۆر چاره‌نڤيسيێ هه‌ڤالێن مه يێن ره‌ڤاندين و كار ب رژدى دكه‌ين كه‌سانێن ره‌ڤاندين رزگار بكه‌ين”، به‌رده‌وامى ژى دا گۆتنێن خوه و گۆت: “دێ به‌رده‌وام هاريكاريا وان كه‌سان كه‌ين يێن پێدڤى ب هاريكاريا مه هه‌يى”.
ئه‌ڤ كه‌سه ل ده‌مێ چوونا وان بۆ مه‌لكال بۆ مه‌لۆت دا كو ئاهێن خوارنێ بۆ چه‌ندين كه‌سێن تووشبوويى ببه‌ن، هاتينه ره‌ڤاندن.
