سێ نالین
قەهرمان عەبدوللا بەرواری
بیرهاتن
ژ چاخێ «داوود»ی وەرە..
بیرهاتنا وێ.. د بیردانکا من دا
وەکو ئاسنێ خاڤ لێ هاتیە.. خوار نابیت
ب هەلاتنا سیتاڤکا وێ
سالێن ژییێ من وەکو شەکرۆکێن پیرێ
ل بەر پێن وێ بژالە دبن و
ڤیانا وێ وه‌كو لێما ڤولکانێ ..
گزیرتا دلێ من دادعویریت.
چاڤ
چاڤێن من..
ل سەمتا وێ دگەرهن
وەکو رادارێن سەرمەست
بەلێ د زکێ دەریا «سۆر»دا
بتنێ «ئیکو»یێ تکتکا دلێ من..
ل من دزڤریت.
دێم
ب تووڕەیی دێم ل پەی دێمی دبۆرن
د تیک تیک.. وەکو ئاخا هشک ..
گڕنژینا من قنارە دکەن
شەڤ ل پەی شەڤێ دسەرمەدینە و
مریتۆبوونا وان گولێن دێمێ من پوسیدە دکەن
بتنێ ئەی خودا.. ل بەندا رۆناهیا دێمێ تە مایمە و
کێلی ل پەی کێلیێ ڕێکێ ل بەراهیکا من ڤەدکەن.