سێ هزار و 500 پارچەیێن ئەردی ل ئاكرێ دێ هێنە بەلاڤكرن
رەمەزان زەكەریا:
پشتی حكومەتا هەرێما كوردستانێ بڕیارا بەلاڤكرنا پارچەیێن ئەردی دایی، سەرۆكاتیا باژێرڤانیا ئاكرێ پشتی گەرا ئێكی یا پارچەیێن ئەردی بەلاڤكرین، كار ل سەر گەرەكا نوو یا بەلاڤكرنا پارچەیێن ئەردی دكەت.
بلند رەزا، سەرۆكێ باژێرڤانیا ئاكرێ بۆ رۆژناما ئەڤرۆ گۆت: «پشتی حكومەتا هەرێما كوردستانێ بڕیار ل سەر بەلاڤكرنا پارچەیێن ئەردی ل سەر فەرمانبەران دای، ل ئاكرێ هەژمارەكا پارچەیێن ئەردی د سالا بۆری دا هاتینە بەلاڤكرن و بڕیارە گەرەكا نوو یا پارچەیێن ئەردی بهێتە بەلاڤكرن».
ناڤبری گۆتژی: «سالا بۆری هزار و 59 پارچەیێن ئەردی ل سەر فەرمانبەر و پێشمەرگەیان هاتبوونە بەلاڤكرن، نوكە ژی بەرهەڤی هاتینە كرن بۆ بەلاڤكرنا سێ هزار و 500 پارچەیێن دی یێن ئەردی ل سەر فەرمانبەران ل ئاكرێ».
