سێ وەلاتێن ئۆرۆپی هۆشداریێ ددەنە ئیرانێ
هەر یەک ژ وەلاتێن بریتانیا، ئەلمانیا و فرەنسا دیار کرن، دڤێت ئیران پەیوەندیێن خوە ل گەل ئاژانسا جیهانی یا ئەتۆمی باش بکەت و هەروەسا رێککەفتنا ئەتۆمی ژی ل گەل ئەمریکا ئیمزا بکەت، هەکە ئیران داخوازیێن ئەمریکا قەبوول نەکەت وەکو سێ وەلاتێن ئۆرۆپی دێ دەست ب سزادانا ئیرانێ کەن و دێ هەموو پەیوەندیێن خوە یێن ئابووری ل گەل ئیرانێ دەنە راگرتن.
وەزیرێ دەرڤە یێ فرەنسا ژی دیار کر، ئیرانێ هەموو قانوونێن نێڤدەولەتی بنپێکرینە و نها ئیرانێ دڤێت چەکێ ئەتۆمی دروست بکەت، ئەو یەک ژی ب چو رەنگەکێ ناهێتە قەبوول کرن، دڤێت ئیران ڤەگەریتە ڤە دانوستاندنان و داخوازیێن ئەمریکا و وەلاتێن ئێکەتیا ئۆرۆپا بجه بینیت، هەکە ئیران کارەکێ وەسا نەکەت دێ سزایێن گەلەک توند ل سەر ئیرانێ هێنە سەپاندن.
ل ئالیێ دی وەزارەتا دەرڤە یا ئیرانێ ژی دیار کر، ئەو ل هەمبەر گەف و سزایێن وەلاتێن ئێکەتیا ئۆرۆپا بێدەنگ نامینن و دێ ب توندی بەرسڤا سزایێن وان هەر سێ وەلاتان دەن.