سێ پڕۆژەیێن گرنگ ل سنوورێ باژێرڤانیا دێرەلۆكێ دێ هێنە بجهئینان
ئامێدیێ، مەحمود نهێلی:
د بەردەوامییا گەهاندنا پڕۆژەیێن خزمەتگوزاری دا، ئەوێن ژ لایێ حكومەتا هەرێما كوردستانێ ڤە ل دەڤەرێن جودا دهێنە بجهئینان، سێ پڕۆژە د وارێ باژێرڤانیێ دا ل ناوچەداریا دێرەلۆكێ دێ هێنە چێكرن و پارێ پێدڤی ژی بۆ هاتیە تەرخانكرن.
ئەندازیار عەبدولمەناف رەشید، سەرۆكێ باژێرڤانیا دێرەلۆكێ بۆ رۆژناما ئەڤرۆ دیار كر، ب سوپاسی ڤە رازیبوون ل سەر چێكرنا سێ پڕۆژەیێن خزمەتگوزاری ل سنوورێ باژێرڤانیا دێرەلۆكێ هاتیە كرن و گۆت: «ئەو پڕۆژەیە پێكهاتینە ژ: چێكرنا پاركەكا گشتی ل سەنتەرێ ناوچەداریێ، چێكرن و نووژەنكرنا هەژمارەكا زۆرا جاددەیێن ناڤخوەیی ل هەموو تاخێن د ناڤا باژێرڤانیێ دا و چێكرنا رێكا گۆرستانا مەسیحیان».
ناڤهاتی دیار ژی كر، ژ بۆ ئەنجامدانا ڤان پڕۆژەیان گوژمێ پتری ئێك ملیار دیناران هاتینە تەرخانكرن و گۆت: «د دەمەكێ نێزیك دا دەست ب چێكرنا ڤان پڕۆژەیان دێ هێتە كرن و كەڤنە د خزمەتا وەلاتیان دا».
