سێ پێشانگەهـ ل دۆر نەهێلانا توندوتیژیێ ل ئاكرێ هاتنە ڤەكرن
رەمەزان زەكەریا:
ل ژێر درووشمێ پێكڤە بۆ بەرەنگاربوونا توندوتیژیا ئەلكترۆنی دژی ئافرەتان و كچان ل ئاكرێ دو پێشانگەهـ هاتنە ڤەكرن.
عەقید محەمەد ئەمین عەلی، رێڤەبەرێ نەهێلانا توندوتیژیێ دژی خێزان و ئافرەتان ل ئاكرێ بۆ ئەڤرۆ گۆت: «ل ژێر چاڤدێریا د. دلاوەر بۆزۆز، دەڤەردارێ ئاكرێ و ب هەلكەفتا هەوا نیشتیمانیا 16 رۆژی یا نەهێلانا توندوتیژیا دژی خێزان و ئافرەتان، رێڤەبەریا نەهێلانا توندوتیژیا دژی ئافرەتان و خێزانی ل ئاكرێ ب هەڤكاریا زانكۆیا ئاكرێ بۆ زانستێن كرداری، دو پێشانگەهێن شێوەكاری و فۆتۆگرافی ڤەكرن».
ژ لایەكێ دیڤە سابر عەلی، رێڤەبەرێ پەیمانگەها هونەرێن جوان ل ئاكرێ بۆ ئەڤرۆ گۆت: «د چارچۆڤێ هەوا نیشتیمانیا 16 رۆژی یا نەهێلانا توندوتیژیێ دژی خێزان و ئافرەتان، پێشانگەهەكا كارێن دەستی یێن قوتابیان هاتە ڤەكر ن و سمینارەك ل سەر هەمان بابەتێ نەهلانا توندوتیژی دژی ئافرەتان و خێزانێ هاتە پێشكێشكرن».
