سێ پێشنیار بۆ ته‌مامكرنا شوقێن حوكمه‌تێ هاتینه كرن
هه‌ولێر، قائید میرۆ:
پڕۆژێن شوقێن حوكمه‌تێ ل سه‌رانسه‌ری هه‌رێما كوردستانێ نه‌هاتینه ته‌مامكرن و په‌رله‌مانتاره‌ك ژی دبێژیت: سێ پێشنیار بۆ ته‌مامكرنا وان پڕۆژان داینه حوكمه‌تێ وه‌كو چاره‌سه‌ریه‌كا گونجایی بۆ ته‌مامكرنا شوقێن حوكمه‌تێ.
به‌همه‌ن كاكه عه‌بدوللا، ئه‌ندامێ لژنا وه‌به‌رهێنانێ ل په‌رله‌مانێ كوردستانێ بۆ رۆژناما ئه‌ڤرۆ دیار كر، لژنا وه‌به‌رهێنان و ئاڤاكرنێ بۆ چاره‌سه‌ركرنا پڕۆژه‌یێن شوقێن وه‌زاره‌تا ئاڤاكرنێ ژ بۆی وه‌لاتیاێن كرێدار و هه‌ژار سێ پێشنیار داینه حوكمه‌تا هه‌رێما كوردستانێ و وه‌زاره‌تا ئاڤاكرنێ و گۆت: “مه‌ره‌ما مه ژ ڤان پێشنیاران ئه‌وه كو ئه‌و یه‌كه‌یێن ئاكنجیبوونێ بهێنه ته‌مامكرن و ل سه‌ر وه‌لاتیێن هه‌ژار و كێم ده‌رامه‌ت بهێنه به‌لاڤكرن”.
به‌همه‌ن كاكه عه‌بدوللا گۆتژی: “پێشنیارا ئێكێ ئه‌ڤه پڕۆژه‌یێن رێژه‌یه‌كا زۆر كار تێدا هاتیه كرن ژلایێ حوكمه‌تا هه‌رێما كوردستانێڤه بهێنه ته‌مامكرن، به‌لێ ئه‌و پڕۆژێن هه‌تا نوكه 20%ێ هاتینه ته‌مامكرن بده‌نه بازرگانان بۆ ته‌مامكرنێ و د هه‌مبه‌ر دا ئه‌رد ب بازرگانان بهێته‌دان، به‌لێ پڕۆژێن 50%ێ كار تێداهاتبیته كرن بده‌نه وه‌به‌رهێنه‌رێن ناڤخوه ب شێوه‌یێ قه‌ڕ بهێنه ته‌مامكرن، ئه‌ڤه چاره‌سه‌ریه‌كا گونجایه بۆ ته‌مامكرنا وان پڕۆژان”.
