سێ کومەلگەهێن زاخۆ ب سەر چو باژێرڤانیان ڤە نینن
ئەڤرۆ نیوز؍عەلی حاجی :
نیهاد سەلیم سەروکێ باژێرڤانیا ناحیا رزگاری ل زاخۆ بۆ ئەڤرۆ نیوز دیارکر سێ کومەلگەهێن دەڤەرا زاخۆ هەتا نوکە f سەر چو باژێرڤانیان ڤە نینن و وەکو هاریکاری هندەک جاران خزمەتگوزاریان بۆ وان سێ کومەلگەهان ئەنجام ددەین .
زێدەتر نیهاد سەلیم گوت : هەر ئێک ژ کومەلگەهێن چەم کورکێ و باکرما وخێلەخێ ئەڤ سێ کومەلگەهە دکەڤنە دناڤ ماستەر پلانا بوسینگێ دا لێ ناکەڤنە ناف نەخشەیێ بنەرەتی دا و دناڤ وی نەخشەیی دا نینن دسنورێ باژێرڤانیا ناحیا رزگاری و سنورێ باژێرڤانیا زاخۆ ئەڤ سێ کومەلگەهە دمینیتە دناڤبەرا هەردوو سنورێن باژێرڤانیان دا و سەر ب چو باژێرڤانیان ڤە نینە ؍وەکو باژێرڤانیا ناحیا رزگاری مە چو نەخشەیێ بنەرەتی نینە و بتنێ ماستەر پلانا بوسینگ یا هەیی گەلەک جاران ئەم پروژەیان ل وان سێ کومەلگەهان ئەنجام دەین بەلێ وەکو هاریکاری نەک وەکو سنورێ باژێرڤانیامە؍هەتا نوکە چو کوژمەیەکێ پارەیی ژی بۆ وان دەڤەران نەهاتیە تەرخان کرن.
دا زانین ژی باژێرڤانیا زاخۆ گەلەک جاران داخاز کری یە کو ئەڤ بابەتە بهێتە چارەسەر کرن و سنورێ ڤان دەڤەران بهێتە ئێکلاکرن و بکەڤیتە سەر باژێرڤانیەک لێ هەتا نوکە چو بەرسڤەک نەبویە. و گوت ژی : گەلەک جاران پارە ژلایێ قایممقامیا زاخۆ و ب رێیا ناحیا رزگاری ڤە دهێنە تەرخان کرن بو وان کومەلگەهان وهندەک جاران ژی پارە ژلایێ مەڤە دهێنە دابین کرن بو دروست کرنا هندەک پروژەیان بەلێ هەلاویستنا ڤان سێ کومەلگەهان بویە بارگرانی ل سەر مە و گەلەک جاران ئەم ب داهاتێ خوە کاران ل وان کومەلگەهان ئەنجام دەین؍هەکە ئەڤ دەڤەرە بکەڤیتە سەر مەڤە و بودجەیەک بهێتە تەرخان کرن دێ بارێ مە ژی سڤکتر بیت و دێ شێن زێدەتر ژی خزمەتا وان دەڤەران کەین.
