سێ گەشتیار د رۆژەكێ دا ل دهۆكـێ خەندقین
زنار تۆڤی:
بێوار عەبدولعەزیز، پەیڤدارێ رێڤەبەرییا بەرگریا شارستانی ل پارێزگەها دهۆكێ، بۆ رۆژناما ئەڤرۆ دیاركر، دوهی سێ گەشتیارێن عەرەب ل سنۆرێ پارێزگەها دهۆكێ خەندقین.
ناڤهاتی گۆت: «ئێك ژ وان كچەكا 14 سالی بوویە، بناڤێ نورا ئەدهەم، خەلكا مووسلێ یە، ل گرێ گەورێ یا سەر ب دەڤەرداریا سێمێلێ ڤە، كەفتییە د ناڤا بیرەكا ئاڤێ دا و خەندقییە، هەروەسا هەمان رۆژ خووشك و برایەك پێكڤە چووینە سەر سكرێ دهۆكێ مەلەڤانیا بكەن، هەردو گەشتیارێن عەرەب بوون، ژییێ ئێك ژ وان 11 سال بوون و یێ دیتر ژی 23 سال بوون، هەردو د سكرێ دهۆكێ دا خەندقین و ل گەل هندێ، سێ كەسێن دیتر ژی ل سكرێ دهۆكێ هاتینە رزگار كرن، دیسا تەرمێن هەرسێیان بۆ نۆشدارییا داد ل دهۆكێ هاتنە ڤەگوهاستن».
