سێ یانێن ئنگلیزى یێن مه‌زن هه‌ڤركیا وى دكه‌ن
ئه‌ڤرۆ نیوز:
ستێرا به‌لجیكى و یانا ناپولى یا ئیتالى درایس میرتینز بوویه جهێ گرنگیا سێ به‌رنیاسترین یانێن ئنگلیزى .
چاڤه‌رێ دهێته‌كرن هه‌ڤبه‌ستا درایس میرتینز ل دووماهیا وه‌رزێ ئه‌ڤ ساله ل گه‌ل وێ یانا ئیتالى ب دووماهیى بهێت و هه‌تا نوكه وى یاریزانى هه‌ڤبه‌ستا خوه ل گه‌ل وێ یانێ درێژ نه‌كریه .
رۆژنامه‌یێن نێزیكى یانا مانچێسته‌ر یونایتد دیاركرینه به‌رپرسێن وێ یانێ دخوازن ل ڤه‌گوهاستنێن بهێت هه‌ڤبه‌ستێ ل گه‌ل میرتینز ئیمزا بكه‌ن بۆ ب هێز ئێخستنا پێكهاتیێ خوه .
هه‌ردیسان وێ رۆژنامێ ئاشكراكریه هه‌ڤركیا ب ده‌ستڤه ئینانا درایس میرتینز یا ب سانه‌هى نابیت بۆ یانا مان یونایتد ژبه‌ركو هه‌ر ئێك ژ یانێن چێلسى و ئه‌رسینال ژى هه‌ڤركیێ ل سه‌ر ده‌ستڤه ئینانا ئه‌وى یاریزانى دكه‌ن ژبه‌ركو ئه‌و یاریزان ل ڤه‌گوهاستنێن بهێت دێ بیته یاریزانه‌كێ ئازاد.
میرتینز یێ 32 سالى ئه‌وێ ل هێلا هێرشبه‌ریێ دكه‌ت ژ سالا 2013 وه‌ره یارى ل یانا ناپولى یا ئیتالى دكه‌ت د ماوێ بورى دا شیایه 311 یاریان ل گه‌ل وێ یانێ بكه‌ت و 121 گول توماركرینه ل گه‌ل 73 ئه‌سیست .
