سەربازێن مە ناچنە غەزە
ئیلهام عەلیێڤ سەرۆک کۆمارێ ئازەربایجانێ د داخویانیەکێ دا دیار کر، پاراستنا جانێ وەلاتیێن ئازەربایجانێ ژ بۆ وان گەلەک گرنگە و ل سەر داخوازیا هندەک ئالیان سەربازێن خوە رەوانەی غەزە ناکەن.
سەرۆک کۆمارێ ئازەریجانێ ئەو یەک ژی دیار کر، دەمێ ل ئازەربایجانێ ئاریشە هەبوون و مەترسی ل سەر ئازەربایجانێ هەبوون وی دەمی چو هیزەکێ خەلکێ ئازەربایجان نەپاراست و هاریکاریا خەلکێ وان نەکر، ئەو وەکو ئازەربایجانێ رێزێ ل خەلکێ فەلەستینێ دگرن، لێ بەرهەڤ نینن سەربازێن خوە رەوانەی غەزە بکەن.
ناڤهاتی ئەو یەک ژی دیار کر، ب فەرمی داخواز ژ ئازەربایجانێ ژی هاتیە کرن کو سەربازێن خوە د چارچۆڤەیێ پاراستنا خەلکێ غەزە دا رەوانە وێ دەڤەرێ بکەن، لێ وەکو ئازەربایجان وان بریار داینە کارەک وەسا نەکەن و سەربازێن ئازەربایجانێ ناچنە غەزە، چونکی دەمێ مەترسی ل سەر ئازەربایجانێ هەبوون وی دەمی فەلەستینیان ژی چو بۆ ئازەربایجانێ و خەلکێ وێ نەکرن و نها ئازەربایجان ژی نەچار نینە سەربازێن خوە بکەتە قوربانی بۆ خەلکەکێ دی.
