سەربازێن کۆریا باکور گەهشتینە رۆسیا
وەزارەتا بەرگریێ یا ئۆکرانیایێ راگەهاند کو سێ هزار سەربازێن کۆریا باکور ژ بۆ شەرێ ئۆکرانیایێ گەهشتینە رۆسیا، د رەوشا نها دا رۆسیا گەلەک تەنگاڤ بوویە و داخوازا هاریکاریێ ژ کۆریا باکور کریە و سەربازێن کۆریا باکور دێ بۆ شەری هێنە سنۆرێ ئۆکرانیایێ و ئەو یەک ژی بنپێکرنا هەموو قانوونێن نێڤدەولەتی یە و دێ بیتە ئەگەرێ شەڕەکێ جیهانی.
ل ئالیێ دی سەرۆکێ ئۆکرانیایێ ژی دیار کر، هاتنا سەربازێن وەلاتەکێ دی بۆ شەڕی ل گەل مە نیشا ددەت کو رۆسیا گەلەک تەنگاڤ بوویە، لێ دڤێت ئەمریکا و ناتۆ ژی ل هەمبەر ڤێ بزاڤا رۆسیا بێدەنگ نەمینن، وەکو ئۆکرانیا ئەم داخواز ژ ئەمریکا و وەلاتێن ئەندامێن ناتۆیێ دکەین کو چەکێ زێدەتر بدەنە لەشکرێ ئۆکرانیایێ، چونکی ب هاتنا سەربازێن کۆریا باکور دێ شەڕ گەلە دژوارتر لێ هێت و وەکو ئۆکرانیا ئەو دێ پێدڤی ب چەکێ گران و پێشکەفتی بن دا بشێن دربێن گران ل رۆسیا بدەن.
